एजेन्सी – डिफेन्डर क्रेग डसनले दुइ गोल गरेपछि इङ्लिस प्रिमिएर लिग अन्तर्गत शनिबार भएको खेलमा आर्सनलले वेष्ट ब्रमविच आल्बीअनसंग ३-१को हार व्येहोरेको छ।
खेलको १२औं मिनेटमा क्रेग डसनले गोल गर्दै घरेलु टोलीलाई अग्रता दिलाएका थिए तर त्यसको तिन मिनेटपछि एलेक्सिस स्यान्चेजले गोल गर्दै खेललाई बराबरीमा ल्याएका थिए। दोश्रो हाफको ५५औं मिनेटमा वैकल्पिक खेलाडीका रुपमा मैदान छिरेको १ मिनेट नबित्दै हाल रब्सन कानुले गोल गर्दै वेष्ट ब्रमलाइ पुन: अग्रता दिलाए।
खेलको ७५औं मिनेटमा व्यक्तिगत दोश्रो गोल गर्दै क्रेग डसनले घरेलु टोलीलाई २ गोलको अग्रता दिलाएका थिए। थप कुनै गोल हुन नसकेपछि आर्सनलले पछिल्लो पाँच खेलमा चौथो हार व्येहोर्यो।
खेलका दौरान आर्सनलका प्रशिक्षक आर्सन वेङ्गरको राजिनामा माग्दै केहि समर्थकले विरोध जनाउदै आकाशमा ब्यानर प्रदर्शन गरेका थिए भने आर्सनलकै अर्को खेमाका समर्थकले सोहि शैलीमा वेङ्गरलाई आफ्नो समर्थन रहेको जानेका थिए। प्रिमियर लिगमा खस्कदो प्रदर्शन र च्याम्पियन्स लिगबाट बाहिरिसकेको अवस्थामा आर्सनलको एकमात्र आशा एफ.ए. कपमा टिकेको छ। आर्सनललले एफ.ए. कपको सेमिफाइनलमा म्यानचेस्टर सिटीको सामना गर्दैछ।
