काठमाडौं (हाम्रो खेलकुद) – एएफसी एसियन कप २०१९को छनोट चरण अन्तर्गत समुह ‘एफ’को पहिलो खेल खेलेर नेपाल राष्ट्रिय फुटबल टोली स्वदेश फर्किएको छ।
फिलिपिन्सको मनिलास्थित रिजाल मेमोरियल रंगशालामा खेलिएको खेलमा नेपालले घरेलु टोलीसंग ४-१को पराजय भोगेको थियो। खेलको सुरुवातमै विक्रम लामाले रातो कार्ड खादैं मैदानबाट बाहिरिएपछि खेलको अधिकांश समय १० खेलाडिमा सिमित नेपालमाथि घरेलु टोली हावी भएको थियो।
मंगलबार आफ्नो खेल खेलेको टोली बुधबार राती १०:३० बजे नेपाल आइपुगेको थियो।
नेपालले छनोट चरण अन्तर्गत दोश्रो खेल घरेलु मैदनमा यमनसंग खेल्नेछ। सो खेल जुन १३ मा हुनेछ।
