काठमाडौं, असोज २४ गते ।
आज सातदोबाटो स्तिथ एन्फा कम्प्लेक्समा भएको राष्ट्रिय लिगको खेलमा यु-१९ राष्ट्रिय टोलिको अधिकांश खेलाडी सम्मिलित सुदुर पश्चिमले नेपाल एपिएफ क्लबलाई ५-३ ले पराजित गरेको छ । खेलमा यु-१९ राष्ट्रिय टोलिका पांच खेलाडिले गोल गरेका थिए । यो नतिजले उपाधिको होडबाट नेपाल एपिएफ क्लब बहिरिएको छ ।
सुरुवाती मिनटबाटनै आक्रमक देखिएको सुदुरले १५औं मिनटमा कमल थापाको गोल मार्फत आग्रता लिएको थियो । खेलको २८औं मिनटमा अबाको पासमा गोल गर्दै हेमन्त थापा मगरले आग्रता दोब्बर बनाए, हेमन्तले डि-बक्स बहिरबाट प्रहर गरेको बल सिधै गोल मा परिणत भएको थियो । बिचमा केहि सम्हालिन खोजेको एपिएफले ३७औं मिनटमा बिमल घर्ती मगरले गोल गरेपछी ३-०ले पछी पर्न बध्य भयो । त्यस्पछी दुबै टोलिबाट केहि राम्रो मुभ बने पनि पहिलो हाल्फमा थप गोल हुन सकेन ।
दोस्रो हाल्फमा गणेश लावतिको स्थानमा मैदान प्रवेश गरेका रन्जन बिष्टले ५५औं मिनटमा गोल गर्दै ३-१ बनाए र ७२औ मिनट सुदिप शिख्राकारले गोल गर्दै ३-२मा पुराए । खेलको ८३औं मिनटमा जनम र थप गरिएको दोस्रो मिनटमा सुनिल बलाले गोल गरेर ५-२ भए खेल रन्जनले ९०+३मिनटमा गोल गरेपछी ५-३मा अन्त्य भयो ।
