वुल्फ्सबर्ग (एजेन्सी) – जर्मन बुन्डेसलिगा अन्तर्गत शनिबार राती भएको खेलमा वल्फ्सबर्गको घरेलु मैदानमा ६-० को फराकिलो जितसँगै बायर्न म्युनिखले बुन्डेसलिगाको उपाधि पक्का गरेको छ ।
३१ खेलमा २२ जित र ७ बराबरीसँगै ७३ अंक जोडेको बायर्नले दोस्रो स्थानको आर.नबि. लेप्जिगसंग १० अंकको अग्रता कायम गरेपछि म्युनिखको उपाधि पक्का भएको हो ।
यो बायर्न म्युनिखको लगातार पाँचौ बुन्डेसलिगा उपाधि हो । सन् २०११-१२ को सिजनमा बोरुसिया डर्टमाउन्डले उपाधि जित्दा बायर्न दोस्रो भएको थियो । यो समग्रमा बायर्नको २७ औं बुन्डेसलिगा उपाधि हो ।
बायर्नको जितमा रोबर्ट लेवानडोस्कीले दुई गोल गरे भने डेभिड अलावा , आर्जेन रोबेन , थोमस मुलर र जोसुआ किमिचले पनि गोल गरे ।
