एजेन्सी – रियल म्याड्रिडले आउने सिजनका लागि म्यानचेस्टर युनाईटेडक गोलरक्षक डेविड डे हेयालाई आफ्नो क्लबमा भित्र्याउन मिडफिल्डर हामेस रोड्रीग्वेजलाई प्रयोग गर्ने भएको छ।
स्पेनिस पत्रिका ‘डन बालोन‘का अनुसार रियलले आउने सिजनमा रोड्रीग्वेजलाई क्लब छाडेर जना दिने मनस्थिति बनाइसकेको छ। प्रशिक्षक जिनेदिन जिदानको पहिलो रोजाईमा नपरेको र उनको तुलनामा युवा खेलाडीहरुको प्रदर्शन राम्रो हुँदै गएकाले म्याड्रिडले उनलाई अर्को सिजन बेच्न तयार भएको बुझिएको छ।
यस्तोमा म्यानचेस्टर युनाईटेडले पहिले देखि हामेसप्रति केहि उत्सुकता देखाएको र म्याड्रिडले राम्रो अफर दिएमा दुइ क्लब बीच केहि सहमति हुने देखिएको छ। म्याड्रिडले विगत केहि सिजनयता डे हेयालाई म्याड्रिड ल्याउन खोजेको थियो।
जोसे मोउरिन्होले यसअघि डे हेयालाई क्लब छोड्ने मनस्थिति भएमा आफुले नरोक्ने पनि बताइसकेका छन्। दुइ क्लब बीच खेलाडी साटासाट संगै त्यसमा संलग्न हुने पैसा मिलेमा यो ट्रान्सफर सफल हुने केहि स्पेनिस मिडियाले बताएका छन्।
