म्यानचेस्टर (एजेन्सी)– स्वान्सी सिटीसँग आज १–१ को बराबरीमा रोकिएपछि शीर्ष चार भित्र रहँदै प्रिमियर लिगमा पर्ने लक्ष्यमा धक्का लागेको छ । विवादास्पद पेनाल्टी गोलबाट लिएको अग्रतालाई जोगाउन नसक्दा युनाइटेडले बराबरीमा चित्त बुझाउनु परेको थियो ।
निर्धारित समय सकिनु अघि ११ मिनेटअघि ग्लिफी सिगुर्डसनले फ्रिकिकमार्फत बराबरी गोल गरेका थिए । त्यसअघि कप्तान वायन रुनीको गोलबाट युनाइटेडले घरेलु मैदानमा अग्रता लिएको थियो । पहिलो हाफको इन्जुरी समयमा रुनीले पेनाल्टीमा गोल गरेका थिए ।
अघिल्लो खेलमा युनाइटेले सहरी प्रतिद्वन्द्वि म्यानचेस्टर सिटीसँग गोलरहित बराबरी खेलेको थियो । अहिले सिटी र मिडल्सब्रोबीच प्रतिस्पर्धा भइरहेको छ ।
३४ खेलपछि पाँचौं स्थानमा रहेको युनाइटेडको ६५ अंक पुगेको छ । शीर्ष चारमा पर्न तीब्र प्रतिस्पर्धा रहेकोले अन्तिम ४ खेल बाँकी रहँदा शीर्ष चारमा पर्न युनाइटेडदलाई कठिन देखिएको छ । युनाइटेडभन्दा २ खेल कम खेलेको छैटौं स्थानमा रहेको आर्सनलको ६० अंक छ ।
