काठमाडौँ (हाम्रो खेलकुद) – फिफाले सार्वजनिक गरेको वरियतामा ३ स्थान तल झर्दै नेपाल १ सय ७३ स्थानमा पुगेको छ । बिहिबार सार्वजनिक गरिएको वरियतामा नेपाल ३ स्थान तल झरेको हो ।
वरियताक्रममा तल झरेपनि दक्षिण एसियाली राष्ट्रमा नेपाल पाँचौं स्थानमा यथावत छ । अघिल्लो महिना १०१ स्थानमा रहेको भारत १०० स्थानमा उक्लेको छ । २१ वर्षको इतिहासमा भारतको यो सबै भन्दा राम्रो रेकर्ड हो । त्यस्तै दोस्रो स्थानमा रहेको माल्दिभ्स १ स्थान तल झर्दै १५२ मा छ भने अफघानिस्तान पनि १ स्थान तल झरेको छ । भुटान १६६ मा यथावत छ भने श्री लंका १९७ मा छ र पाकिस्तान एसियाको पुछारमा २०१ स्थानमा छ ।
पछिल्लो वरियताका क्रममा शीर्षस्थानमा पुगेको ब्राजिल पहिलो स्थानमा यथावत छ ।
