काठमाडौँ (हाम्रो खेलकुद) – नेपाली महिला राष्ट्रिय फुटबल टोलीले आगामी जेष्ठ ९ गते मलेसियाको राष्ट्रिय टोलीविरुद्ध मैत्रीपूर्ण खेल खेल्ने भएको छ।
फुटबल एसोसिएसन अफ मलेसियाको आमन्त्रणमा नेपाली टोली मलेसिया जान लागेको एन्फाले बताएको छ। दक्षिण पूर्वी खेलकुदलाई लक्षित गरेर मलेसियाले आफ्नो टोलीको तयारीको सिलसिलामा नेपाललाई मैत्रीपूर्ण खेलको लागि आमन्त्रण गरेको हो।
यसघि नेपाल र मलेसियाले सन् २०१६को डिसेम्बर महिनामा खेलेको मैत्रीपूर्ण खेलमा नेपाल १-०ले विजयी भएको थियो। नेपाली टोलीले बिहिबारबाट मैत्रीपूर्ण खेलको लागि तयारी सुरु गरिसकेको छ।
आगामी साफ च्याम्पीयनसिपलाई लक्षित गरेर टोलीले प्रशिक्षण सुरु गरेको एन्फाले जनाएको छ।
