ज्युरिच (एजेन्सी) – विश्व फुटबल महासंघको अपिल कमिटिले लियोनेल मेस्सीलाई लगाइएको ४ खेलको प्रतिबन्ध फुकुवा गरेको छ।
यसअघि अनुशासन कमिटिले लगाएको प्रतिबन्धलाई अर्जेन्टिनी फुटबल संघले अपिल गरेको थियो। अपिल कमिटिले मेस्सीले गरेको व्यवहार नराम्रो भएतापनि उनलाई लगाइएको प्रतिबन्धका लागि पर्याप्त सबुत नभएकाले फुकुवा गरिएको बताएको छ।
फुकुवासंगै अब मेस्सी अर्जेन्टिनाले खेल्ने विश्वकप छनोटका खेलहरुमा उपस्थित हुनेछन्।
