लण्डन (एजेन्सी) – इङ्गलिस प्रिमियर लिग अन्तर्गत शुक्रबार राती भएको खेलमा वेष्ट ह्याम युनाईटेडले आफ्नो घरेलु मैदानमा खेलिएको खेलमा टोटेनहम हट्स्परलाई १-०ले पराजित गरेको छ।
शीर्षस्थानमा रहेको चेल्सीसंगको दुरी १ अंकमा झर्ने सुवर्ण अवसर पाएको टोटेनहमले निकै आक्रमण बुने पनि सफल हुन सकेन। वेष्ट ह्यामका लागि खेलको एक मात्र गोल म्यनुएल ल्यान्जिनीले गरेका थिए। यस जित संगै वेष्ट ह्यामको रेलिगेसनमा पर्ने डर पनि समाप्त भएको हो।
टोटेनहमको हारसंगै चेल्सीले अब ७ अंकको अग्रता कायम गर्ने अवसर प्राप्त गरेको छ। चेल्सीले सोमबार राती हुने खेलमा मिडल्सब्रोको सामना गर्दैछ।
