एजेन्सी – स्पेनिस ला लिगा अन्तर्गत बुधबार भएको खेलमा रियल म्याड्रिडले सेल्टा भिगोलाई ४-१ले पराजित गर्दै बार्सिलोनासंग ३ अंकको अग्रता कायम गरेको छ।
सेल्टा भिगोको घरेलु मैदानमा भएको खेलमा रियल म्याड्रिडले खेलको १०औं मिनेटमा क्रिस्टियानो रोनाल्डोको गोलले अग्रता लिएको थियो। पहिलो हाफमा १-०को अग्रता बनाएको म्याड्रिडले दोश्रो हाफमा ३ गोल थपेको थियो।
दोश्रो हाफको सुरुवातमा रोनाल्डोले व्यक्तिगत दोश्रो गोल गर्दै म्याड्रिडको अग्रता दोब्बर पारे। इयागो आस्पासले ६२औं मिनेटमा दोश्रो पहेंलो कार्ड पाएपछि सेल्टा १० खेलाडीमा सिमित भएको थियो। तर जोन गुडेटिले ६८ औं मिनेटमा गोल गर्दै सेल्टालाई खेलमा फर्काउने प्रयास गरेका थिए।
करिम बेन्जेमाले ७०औं मिनेटमा गोल गर्दै म्याड्रिडको दुई गोलको अग्रता पुन:स्थापना गरे। टोनी क्रुसले खेलको अन्तिम समयमा गोल गर्दै म्याड्रिडको जित सुनिश्चित पारे।
यस जितसँगै रियलले बार्सिलोनालाई उछिन्दै अंक तालिकाको शीर्ष स्थानमा पुगेको छ। लिग अन्तर्गत अन्तिम चरणका खेल मात्र बाँकी रहेको अवस्थामा रियललाई उपाधि जित्न १ अंकको आवश्यकता छ।
