7 years ago
June 1, 2017
-सुबास हुमागाईं काठमाडौँ – नेपाली राष्ट्रिय फुटबल टोली जेठ २३ गते भारतविरुद्ध हुने अन्तराष्ट्रिय मैत्रीपूर्ण खेलको तयारीका लागि हाल सातदोबाटोस्थित एन्फा कम्प्लेक्सको कृत्रिम घाँसे मैदानमा प्रशिक्षणरत छ। जेठ ३० गते यमनविरुद्ध हुने एएफसी एसियन कप २०१९को छनोट चरण अन्तर्गतको दोश्रो खेलको तयारीका लागि नेपाली टोलीले भारतको सामना गर्न लागेको हो। मुम्बईको अँधेरी स्पोर्ट्स कम्प्लेक्सको मैदानमा […]
काठमाडौँ – नेपाली राष्ट्रिय फुटबल टोली जेठ २३ गते भारतविरुद्ध हुने अन्तराष्ट्रिय मैत्रीपूर्ण खेलको तयारीका लागि हाल सातदोबाटोस्थित एन्फा कम्प्लेक्सको कृत्रिम घाँसे मैदानमा प्रशिक्षणरत छ।
जेठ ३० गते यमनविरुद्ध हुने एएफसी एसियन कप २०१९को छनोट चरण अन्तर्गतको दोश्रो खेलको तयारीका लागि नेपाली टोलीले भारतको सामना गर्न लागेको हो। मुम्बईको अँधेरी स्पोर्ट्स कम्प्लेक्सको मैदानमा हुने खेलका लागि अन्तिम टोलीको घोषणा हुन बाँकी छ। तर नेपाली टोली अन्तिम नामावली सुनाउनु अघिनै चोटको चपेटामा परेको छ।
फिलिपिन्सविरुद्धको खेलमा चोट बोकेका डिफेन्डर रबिन श्रेष्ठ शल्यक्रिया गरेसँगै विश्राममा छन् भने उनको स्थानमा खेल्ने आशा गरिएका डिफेन्डर रंजित धिमाल चोटका कारण प्रशिक्षणबाट घर फर्किएका छन्। विगत एक दशक यता नेपाली राष्ट्रिय टोलीको लेफ्ट ब्याक भूमिका निर्वाह गरेका रबिनको स्थानमा बिचमा केहि समय रंजितले खेलेका थिए। तर, यी दुवै खेलाडीको अनुपस्थितिले अब नेपाली टोलीको लेफ्ट ब्याकको भूमिकामा भने ठुलो संकट परेको छ।
१२औं सागमा नेपालले स्वर्ण पदक जित्दा कप्तान विराज महर्जनले लेफ्ट ब्याकको भूमिका निर्वाह गरेका थिए। तर त्यसयता उनको प्रदर्शन निकै खस्किदै गएको छ। राइट ब्याक बिराजको स्थानमा कमल श्रेष्ठले खेल्दै आएका छन् भने उनलाई वैकल्पिक खेलाडीको रुपमा प्रयोग गरिंदै आएको छ। रबिन र रंजितको अनुपस्थितिमा उनलेनै लेफ्ट ब्याकको भूमिका निर्वाह गर्न सक्नेछन्।
उनको विकल्पमा मान बहादुर तामाङ र बिमल बस्नेत पनि रहेका छन्। मान बहादुरले १२औं सागको फाइनल खेलमा सुरुवात गरेका थिए भने हिमालयन शेर्पाबाट व्यावसायिक फुटबल खेल्दै आएका छन्। बिमल बस्नेत पनि मनाङबात राम्रो प्रदर्शन गर्दै राष्ट्रिय टोलीको प्रशिक्षणमा आएका हुन्। उनलाई वैकल्पिक खेलाडीको रुपमा प्रशिक्षकले प्रयोग गर्न सक्छन।
फिलिपिन्सविरुद्धको खेलमा रोहित चन्दले मिडफिल्डरको भूमिका निभाएका थिए भने अनन्त तामाङ र आदित्य चौधरीले सेन्टर डिफेन्समा खेलेका थिए। यदि प्रशिक्षकले विराज र मान बहादुरलाई नलिएको खण्डमा आदित्यले लेफ्ट डिफेन्सको भूमिका निर्वाह गरेर अनन्त र रोहितको जोडीले डिफेन्समा खेल्ने सम्भावना पनि जिवितै छ। तर विक्रम लामाको अनुपस्थितिसँगै मिडफिल्ड कम्जोर हुने कारणले रोहितको आगमनले मिडफिल्डमा थप सहयोग भने पुग्नेछ।
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]