एजेन्सी – बार्सिलोनाका स्टार फरवार्ड एवं अर्जेन्टिनाका कप्तान लियोनेल मेस्सीले आगामी जुन ३० तारिखका दिन विवाह गर्ने भएका छन्। लामो समयदेखि प्रेममा रहेका मेस्सी र एन्टोनेल रोक्कुजोले अर्जेन्टिनामा केहि सातापछि लगनगाँठो कस्ने भएका हुन्।
विवाहका लागि मेस्सीले बार्सिलोनाबाट खेल्दै आएका सम्पूर्ण २१ जना खेलाडीलाई निम्तो दिइसकेका छन् भने पूर्व खेलाडी जाभी हर्नान्डेज पनि उपस्थित रहने स्पेनिस मिडियाले जनाएका छन्। तर मेस्सीले यसै सिजन बार्सिलोना छाडेका प्रशिक्षक लुइस एनरिकेलाइ भने आफ्नो विवाहमा निम्तो दिएका छैनन्।
नोउ क्याम्पमा सँगै रहँदा खटपट परेका कारण निम्तो नदिएको कारण हुनसक्ने आँकलन गरिएको छ। गत सिजन मेस्सी र एनरिकेको मनमुटाव बढेपछि प्रशिक्षकको जागिरनै धरापमा परेको थियो। यद्दपी मेस्सीले प्रशिक्षण टोलीका अन्य सदस्यसँगै क्लबका अन्य सदस्यलाई पनि निम्ता दिएका छन्।
यसै महिना विवाह बन्धनमा बाँधिने मेस्सी र रोक्कुजोको दुई सन्तान छन्। सन २०१२मा पहिलो सन्तानका रुपमा थियागो मेस्सी जन्मेपछि सन २०१५मा माटेओको जन्म भएको थियो। मेस्सी बार्सिलोनामा अनुबन्धन हुनुपूर्वनै रोक्कुजो र मेस्सीको प्रेम सम्बन्ध रहेको थियो।
