विश्व फुटबलका चर्चित हस्ती डेभिड बेकह्याम एक दिनका लागि शुक्रबार नेपाल आइपुगेका छन् । बि.बि.सी र युनिसेफको सहकार्यमा डकुमेन्टरी बनाउन नेपाल आइपुगेका डेबिड बेकह्याम दिनभर व्यस्त रहे|
युनिसेफसँगको बिबिसि डक्युमेन्ट्रीको छायांकनका बिहान ११ बजे त्रिभुवन विमानस्थलमा उत्रेका म्यानचेस्टर युनाइटेड र रियाल मड्रिडका पूर्व स्टार बेकह्याम त्यहाँबाट सिधै भक्तपुर दरबार स्क्वार पुगेका थिए । सल्लाघारीमा उत्रेर उनले सफा टेम्पो चलाउदै भक्तपुर दरबार स्क्वाएर स्थित श्री पद्म उच्च माध्यमिक विद्यालयमा आयोजित एक कार्यक्रममा सरिक भए| उनलाई त्यहाँ टिका र भादगाउँले टोपीले स्वागत गरिएको थियो| डेविडले केहि समय विद्यार्थीसंग टेबल टेनिस पनि खेलेका थिए|
विमानस्थलमा करिब २५० समर्थक जम्मा भएकोमा भक्तपुर पुग्दा हजारौंको संख्यामा मानिसहरुको उपस्थिति थियो| भिडलाई व्यवस्थित पार्न सुरक्षा व्यवस्था कडा भएतापनि हम्मे हम्मे परेको थियो| विद्यालयको कार्येक्रम सकियेलगतै उनि तौमडी स्थित न्यातपोल मन्दिरको परिसरमा पुगे| त्यहाँ उनले बाक्लो सुरक्षा घेराकाबीच पद्म्म माविका विधार्थीसँग फुटबल खेले । युनिसेफको सेभेन अन्तर्गत ७ दिनमा ७ भिन्न देशहरुमा फुटबल खेलेको छायाकंन गर्ने सिलसिलामा बेकह्याम नेपाल आएका हुन् । बेकह्यामलाई हेर्न हजारौं सर्वसाधारण भक्तपुर दरबार स्क्वार पुगेका थिए । सेभेन -अ-साइड फर्म्याटमा खेलिएको खेलमा पद्म स्कुलकै बच्चाहरुले भाग लिएका थिए| दुवै टोलीमा छात्र र छात्रा समावेश गरिएका थिए|
बेकह्याम सातओटा महादेशमा सात खेल खेल्ने लक्ष्य लिएर युनिसेफ र बि.बि.सी.को सहकार्यमा वृतचित्र बनाउदैं छन्| नेपालले एसियालाई प्रतिनिधित्व गर्दै छ भने यस अघि पपुवा न्यु गिनिमा बेकह्यामले खेल खेलिसकेका छन्|
