काठमाडौँ (हाम्रो खेलकुद) – अमेरिकाको डालसमा जारी दोस्रो एनएसी (नेपाल अमेरिका कन्भेन्सन) फुटबल प्रतियोगितामा नेपाली राष्ट्रिय टोलीका फरवार्ड भरत खवास र राष्ट्रिय टोलीका पूर्व मिडफिल्डर राजु तामाङ सम्मलित एलए एफसी क्वार्टरफाइनलमै रोकिएको छ ।
आज भएको क्वार्टरफाइनलमा एलए इष्ट बे युनाइटेडसँग ५–४ ले पराजित भएको थियो । निर्धारित ६० मिनेटको खेलपछिको टाइब्रकेरमा एभरेष्टले बाजी मारेको थियो । भरतको गोलबाट टोलीले अग्रता लिएपनि निर्धारित समय सकिन ४ मिनेट बाँकी रहँदा इष्ट बेले गोल फर्काएको थियो । निर्धारित समयको समाप्तीपछि सोझै भएको पेनाल्टीमा भरत र राजुले गोल गरेपनि उनीहरुको टोलीले सफलता पाउन सकेन ।
भरतका अनुसार इष्ट बेसँगै वासिङटन डिसी, डालास, गुर्खा एफसी र बाल्टिमोर एफसी सेमिफाइनल पुगेका छन् । नेपाली यू १९ पूर्व गोलकिपर राजिव श्रेष्ठ वासिङटन डिसीबाट खेलिरहेका छन् । सेमिफाइनल र फाइनल आइतबार हुनेछ ।
