7 years ago
July 2, 2017
एजेन्सी – फिफा कन्फेडेरेसन कपको तेश्रो स्थानको लागि आइतबार भएको खेलमा पोर्चुगलले मेक्सिकोलाई २-१ले पराजित गरेको छ। १ गोलले पछि पारेको स्थितिलाई उल्टाउँदै पोर्चुगलले अतिरिक्त समयमा जित हात पारेको हो।
नियमित कप्तान क्रिस्टियानो रोनाल्डोबिना मैदानमा उत्रिएको पोर्चुगल खेलको दोश्रो हाफमा पछि पारेको थियो। पहिलो हाफमा एड्रियन सिल्भाले पेनाल्टीमार्फत अग्रता दिलाउने मौका पाएपनि उनि चुकेका थिए। तर, ५४औं मिनेटमा प्रतियोगितामा पहिलो खेल खेलिरहेका लुइस नेटोले आफ्नै पोष्टमा बल छिराएपछि अग्रता लिएको थियो। जाभिएर हर्नान्डेजले डीबक्सको बायाँ तर्फबाट प्रहर गरेको लो-क्रसलाई नेटोले क्लियर गर्न खोज्दा आफ्नै पोष्टमा छिरेको थियो।
खेलको अन्त्य नजिकिंदै गर्दा इन्ज्युरी समयको पहिलो मिनेटमा पोर्चुगलका कार्यवाहक कप्तान पेपेले गोल गर्दै खेल बराबरीमा ल्याएका थिए। रिकार्डो करेज्माको क्रसलाई सदुपयोग गर्दै उनले बललाई जाली चुमाएका थिए। खेल नियमित समयमा १-१को बराबरीमा अडेपछी अतिरिक्त ३० मिनेट थप गरिएको थियो।
थप गरिएको समयको १ सय ४औं मिनेटमा एड्रियन सिल्भाले गोल गर्दै पोर्चुगललाई अग्रता दिलाएका थिए। उनले प्राप्त पेनाल्टीलाई दायाँतर्फ प्रहार गर्दा गोलरक्षकले अर्कोपट्टि डाइभ लगाएका थिए। थप गोल हुन नसकेपछि पोर्चुगल २-१ले विजयी हुँदै तेश्रो स्थानमा रह्यो।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]