एजेन्सी – इङ्गल्याण्ड राष्ट्रिय फुटबल टोली एवं म्यानचेस्टर युनाइटेडका कप्तान वायन रुनीले खेल समयको कमी भएको कारणले क्लब छाड्ने भएका छन्। गत महिना भएो राष्ट्रिय टोलीको छनोटमा नपरेपछि उनले क्लब छाड्ने मनासय बनाएको बुझिएको छ।
आगामी जुनबाट रसियामा सुरु हुने फिफा विश्वकप २०१८मा टोलीमा पर्नका लागि रुनीले नियमित क्लब फुटबल खेल्नुपर्ने र युनाइटेडमा त्यो सम्भव नदेखेपछि उनले अर्को क्लबमा जाने निर्णय लिएका हुन्। उनलाई भित्र्याउन रुनीकै पूर्वक्लब एभर्टनले प्रयास गरिरहेको विभिन्न संचार माध्ययमले जनाएका छन्। रुनी हाल युनाइटेका सर्वाधिक गोलकर्का हुन्।
सन् २००२/०३को सिजनमा १६ वर्ष हुँदै एभर्चनबाट खेलेका रुनीले सन् २००४को युरो खेलेका थिए। त्यसलगत्तै युनाइटेडले २० मिलियन पाउण्ड तिरेको थियो। उनको हालको करार अवधि सन् २०१९सम्म भएपनि क्लबले सहमतिमा आएर उनलाई एभर्टन जान दिने सम्भावना प्रबल छ।
रुनीको प्रस्थानसँगै युनाइटेडले अल्भारो मोराटालाई भित्र्याउन अन्तिम तयारी गर्दैछ। यता एभर्टन भने रुनीलाई क्लबको पाँचौ नयाँ खेलाडी बनाउने सुरमा छ।
