एजेन्सी – स्पेनिस स्ट्राइकर फर्नान्डो टोरेसले एटलेटिको म्याड्रिडसंग १ वर्षको अनुबन्धन थप गर्दै अर्को सिजन एटलेटिकोबाटै खेल्ने भएका छन्। म्याड्रिड हाल ट्रान्सफर प्रतिबन्ध खेपिरहेकोले टोरेसले १ वर्षे सम्झौता थप गरिएको बुझिएको छ।
पहिलोपटक एटलेटिको म्याड्रिड छाडेर लिभरपुल र चेल्सी हुँदै एसी मिलानसम्म पुगेका टोरेसले म्याड्रिड फर्किएयता २८ गोल गरिसकेका छन्। तर विगतका सिजनमा प्रशिक्षक डिएगो सिमिओनीको नजरमा उनि एन्टोइन ग्रिज्मन र केभिन गमेरियोपछि मात्र सुरुवाती एघारमा खेल्न पाएका छन्।
सन् २००१मा डेब्यु गरेयता उनले क्लबका लागि पहिलो स्पेलमा २ सय ४४ खेल खेल्दै ९१ गोल गरेका थिए। उनि सन् २०१५मा पुन: एटलेटिको म्याड्रिड नै फर्किएका थिए। यस एक वर्षको सम्झौता थपिएसँगै अब टोरेस जुन २०१८सम्म एटलेटिकोकै जर्सीमा देखिनेछन्।
