चितवन (हाम्रो खेलकुद) – बार्सिलोना फ्यान क्लब चितवनले अनाथ बालबालिकालाई फुटबल, भलिबलसहित लत्ताकपडा र फलफूल वितरण गरेको छ । पुलिस पब्लिक क्याम्पेन फर स्ट्रिट चिल्डे«न संस्थामा रहेका ६ देखि १४ बर्षसम्मका अनाथ बालबालिकाको क्षमता अभिबृद्धि तथा प्रोत्साहनका लागि पनि कार्यक्रम सञ्चालन गरिएको थियो । अनाथलयमा ४० जना बालबालिका रहेका छन् ।
आगामी दिन मा पनि सहयोग र प्रोत्साहनका कार्यक्रम सन्चालन गर्ने बार्सा चितवनका संस्थापक कुशल लामिछानेले बताए । कार्यक्रममा बालबलिकाहरु को लागि शैक्षिक तथा शिक्षामुलक कार्यक्रम पनि प्रस्तुत गरिएको थियो । राजकुमार रोकायाको सभापतित्वमा भएको कार्यक्रम आयोजनाको पहल बिमोचन पौडेल र नितेश रानाभाटले गरेका थिए ।
कार्यक्रममा सहयोग गर्ने सबैलाई धन्यवाद दिदै पौडेलले आउने दिनमा पनि यस्ता कार्यक्रमको निरन्तरताका लागि दाताहरुको सहयोगको अपेक्षा राखे । नितेश रानाभाटले कार्यक्रममा गीत प्रस्तुत गरे ।
बार्सा फ्यान क्लबले यसअघि पनि विपन्न र अनाथ लाई सहयोग गर्दै आएको छ । फुटबल समर्थक र फुटबल खेल विकास को उद्देश्य राखेर चितवन र नवलपरासीका युवाको सक्रियातामा बार्सा चितवन गठन गरिएको रानाभाटले जानकारी दिए ।
