काठमाडौँ (हाम्री खेलकुद) – नेपाल यू२३ र बंगलादेश यू२३ बीच आज सातदोबाटो स्थित एन्फा कम्प्लेक्सको कृत्रिम घाँसे मैदानमा मैत्रीपूर्ण खेल हुँदैछ। एएफसी यू २३ च्याम्पियनसिपको छनोट चरणको तयारीमा रहेका टोलीले दिउसो ३ बजे खेल्दैछन्।
विमल घर्ती मगर कप्तान रहेको टोलीका प्रशिक्षक राजु काजी शाक्य रहेका छन्। सहायक प्रशिक्षकमा प्रकाश अर्याल छन् भने गोलरक्षक प्रशिक्षक मृगेन्द्र मिश्र रहेका छन्। यस खेलको सम्भावित सुरुवाती एघार यसप्रकार छ:
गोलरक्षण: एलन न्यौपाने
डिफेन्स: दिनेश राजवंशी – अनन्त तामाङ – गौरब बुढाथोकी – कमल श्रेष्ठ/अमित तामाङ
मिडफिल्ड: सुमन लामा – हेमन गुरुङ – हेमन्त थापा मगर – सुनिल बल
फरवार्ड: बिमल घर्ती मगर – अन्जन बिष्ट
राष्ट्रिय टोलीका १० खेलाडी रहेकोमा सबै १० खेलाडीले सुरुवात गर्ने सम्भावना छ। लेफ्ट ब्याकमा अमित तामाङ र कमल श्रेष्ठमा एक खेलाडीले खेल्नेछन्। मिडफिल्डमा हेमन्त र हेमनको उपस्थितिले डिफेन्सिभ रुपमा कमजोर हुने कारणले प्रशिक्षकले परिवर्तन गर्ने सम्भावना उत्तिकै छ।
