काठमाडौं (हाम्रो खेलकुद)– साताको सुरुआतमा शीर्ष टोलीसँग बराबरी खेलेको नेपाली मिडफिल्डर जगजित श्रेष्ठको अस्ट्रेलियन क्लब नुनावाडिङ सिटी एफसी शनिबार पराजित भएको छ । एनपिएल २ भिक्टोरियामा जगजितको टोली ३–२ ले पराजित भएको थियो ।
एनपिएलका दौरान जगजित श्रेष्ठ (दायाँ) । फाइल तस्बिर
पहिलो हाफमा २–० ले पछि परेपनि नुनावाडिङ खेललाई २–२ को बराबरीमा पुुर्याउन सफल भएको थियो। नुनाका लागि प्याट्रिक गरहार्ट र मिच कुपरले गोल फर्काएका थिए। तर, टोलीले अन्त्यसम्म बराबरीलाई जोगाउन सकेन र टोली पराजित भयो। आइतबार नुनावडिङले शीर्ष टोली डांडेनङ सिटी एफसीसँग १–१ को बराबरी खेलेको थियो।
नुनावाडिङ गएयता जगजितको त्यो सातौं खेल थियो। उनी गएयताका ७ मध्ये ३ खेल जितेको नुनावडिङले १ मा बराबरी र बाँकी ३ खेलमा हार बेहोरेको छ। २० टोलीको सहभागिता रहेको एनपिएल २का २४ खेलपछि नुनावडिङको २५ अंक छ।
