बेजिङ (एजेन्सी)- – प्रि सिजनको तयारीमा रहेका दुई इङ्गलिस् प्रिमियर लिग टोली आर्सनल र चेल्सीबीच भएको मैत्रीपूर्ण खेलमा चेल्सी विजयी भएको छ। चिनको बेजिङ सहरमा खेलिएको खेलमा चेल्सीले ३-०को जित हात पारेको हो।
चेल्सीका लागि पहिलो हाफको ४०औं मिनेटमा विलियनले गोल गर्दै अग्रता दिलाएका थिए। त्यसको २ मिनेटपछि नै स्ट्राइकर मिसी बासुआइले गोल गर्दै चेल्सीको अग्रता दोब्बर पारेका थिए। दोश्रो हाफको चौथो मिनेटमा बासुआइले व्यक्तिगत दोश्रो गोल गर्दै टोलीलाई ३-० को अग्रता दिलाएका थिए।
नयाँ सिजनको तयारीमा रहेका दुवै टोलीले यस खेलमा आफ्नो दोश्रो रोजाईका खेलाडीलाई पनि मौका दिएका थिए। चेल्सीले ११ जना खेलाडी परिवर्तन गर्दा आर्सनलले १० जना वैकल्पिक खेलाडीलाई मैदानमा उतारेको थियो।
