सिंगापुर (एजेन्सी) – प्रि-सिजन अन्तर्गत जारी मैत्रीपूर्ण खेलको शृंखलामा इटालियन क्लब इन्टर मिलानले जर्मन च्याम्पियन बायर्न म्युनिखलाई २-०ले पराजित गरेको छ। इन्टरको जितमा दुवै गोल फरवार्ड एडरले गरेका थिए।
खेलको आठौं मिनेटमा एडरले हेडर मार्फत गोल गर्दै टोलीला अग्रता दिलाएका थिए। उनले दायाँबाट जोनाथन बिबिईनीले गरेको क्रसमा उत्कृष्ट हेडीङ गरेका थिए। ३०औं मिनेटमा एडरले पुन: हेडरबाटै गोल गरेर इन्टरको अग्रता दोब्बर पारे। उनले बायाँबाट इभान पेरिसिचले गरेको क्रसमा गोल गरेका थिए। थप गोल हुन नसकेपछि इन्टरले जित हात पार्यो।
बायर्नले पछिल्लो खेलमा चेल्सीलाई ३-२ले पराजित गरेको थियो भने त्यसअघिका खेलमा हार व्येहोरेको थियो। एसी मिलानसँग ४-०को फराकिलो पराजय भोगेको बायर्नले त्यसअघि आर्सनलसँग पेनाल्टीमा हरेको थियो।
खेलको हाइलाइट्स:
