मायमी (एजेन्सी) – प्रि सिजनको प्रशिक्षणमा अमेरिकामा रहेका रियल म्याड्रिड र बार्सिलोनाबीच मैत्रीपूर्ण खेल चल्दैछ। पहिलो हाफको अन्त्यसम्म दुवै स्कोर २-२को अवस्थामा रहेको छ। २ गोलले पछि पारेको स्थितिलाई उल्टाउँदै म्याड्रिडले खेललाई बराबरीमा ल्याएको हो।
खेलको चौथो मिनेटमा लियोनेल मेस्सीले उत्कृष्ट गोल गर्दै बार्सिलोनालाई खेलमा अग्रता दिलाएका थिए। त्यसको ३ मिनेट नबित्दै इभान राकीटिचले डी-बक्स को ठिक भित्रबाट गोल गर्दै बार्साको अग्रता दोब्बर पारे। तर १४औं मिनेटमा मटियो कोभाचिचले बक्स बाहिरबाट गरेको प्रहार गोल भएपछि रियलले खेलमा फर्कने आशा देखाएको थियो।
३६औं मिनेटमा मार्को एसेन्सियोले सुरु गरेको काउन्टर अट्याकमा कोभाचिचले साथ् दिएपछि एसेन्सियोले गोल गर्दै खेललाई बराबरीमा ल्याए। पिएसजी जाने हल्ला चलेपनि नेयमार आजको खेलमा सुरुवाती एघारमा परेका छन्।
