काठमाडौं (हाम्रो खेलकुद)– नेपाली मिडफिल्डर जगजित श्रेष्ठको अस्ट्रेलियन क्लब नुनावाडिङ सिटी एफसीले आइतबार सानदार जित हासिल गरेको छ ।
जगजित श्रेष्ठ । फाइल तस्बिर
एनपिएल २ भिक्टोरियामा पहिलो हाफ १–१ को बराबरी भएपनि दोस्रो हाफमा ३ गोल थपेपछि नुनावाडिङले मेलबर्न सिटीलाई ४–१ ले हराएको छ ।
मिच कुपरले खेलमा ह्याट्रिक गरेका थिए । सबै प्रतियोगितामा गरि यो सिजन मिचको २१ गोल पुगेको छ । अघिल्लो साता नुनावाडिङ ३–२ ले पराजित भएको थियो ।
जगजित नुनावाडिङ पुगेयता टोलीको आठौं खेल हो । जसमध्ये ४ खेल जितेको नुनावडिङले १ मा बराबरी र बाँकी ३ खेलमा हार बेहोरेको छ । २० टोलीको सहभागिता रहेको एनपिएल २ को २५ खेलपनि नुनावडिङको २८ अंक पुगेको छ ।
