पेरिस (एजेन्सी)– पेरिस सेन्ट जर्मेन (पिएसजी) का युवा स्ट्राइकर केलियन बाप्पले टोलीका स्टारद्वय इडिन्सन काभानीसँग खेल्न सहज लाग्ने बताएका छन् । पिएसजीले बोर्डोलाई शनिबार ६–२ ले हराएपछि बाप्पले दुई दक्षिण अमेरिकी स्टारहरुको तारिफ गरेका हुन् ।

नेयमारले २ गोल गरेको खेलमा काभानीले १ गोल गरे । स्टारहरुका बीचमा पनि खेल्न सहज हुने संकेत दिदै बाप्पले टोलीका लागि अन्तिम गोल गरेका थिए ।

४–४–२ को फर्मेसनका विषयमा फ्रान्सेली स्टार बाप्पेले भने,‘काभानी र नेयमार जस्ता खेलाडीसँग खेल्न सहज हुन्छ । उनीहरु उत्कृष्ट खेलाडी हुन् । मैले उनीहरुकै लयलाई समात्ने प्रयास गरेको छु । बल उनीहरुलाई पास दिने कोसिश गरेको छु, बाँकी उनीहरुले मेहनत गरेका छन् ।’

दुई साताअघि लियोनसँगको खेलका क्रममा काभानी र नेयमार कसले पेनाल्टी हान्ने भन्ने विषयमा विवाद भएको थियो । तर, गए राती त्यो समस्या देखिएन । नेयमारले पेनाल्टी हाने र काभानीसँग पनि गोलको खुसीयाली साटे । टोलीमा पेनाल्टी हान्ने पहिलो रोजाइको खेलाडी को हो भन्नेमा बाप्पेले खुलेर बताउन चाहेनन् ।

‘मैले पनि तिमिले जस्तै देखेको हु । उनले बल लिएर गएर, पेनाल्टी प्रहार गरे र गोल गरे । कथाको अन्त्य त्यसरी भयो,’ उनले भने,‘ मलाई लाग्छ यो विषयमा तिमिले सोच्ने छौं र विश्लेषण गर्नेछौं । मलाई भन्दा बढी यसको ज्ञान तिमिलाई छ ।’

७ खेलमा ६ खेल जितेको पिएसजी लिग १ को शीर्षस्थानमा रहेको छ । साविक विजेता समेत रहेको मोनाको भन्दा पिएसजीको ३ अंक बढी छ ।