लिस्बोन (एजेन्सी) – विश्व कप छनोट चरणको खेलका लागि हाल पोर्चुगेली टोलीसँग रहेका रियल म्याड्रिड फरवार्ड क्रिस्टियानो रोनाल्डोले एक्लै प्रशिक्षण गरेका छन् ।
पोर्चुगेली फुटबल संघले आधिकारिक पुष्टि नगरेपनि स्थानीय संचार माध्यम अनुसार रोनाल्डोलाई चोटको कुनै समस्या हुन दिन पोर्चुगलका प्रशिक्षक फर्नान्डो सान्तोसले सावधानी अपनाएका हुन् । रोनाल्डोले एन्डोरासँगको खेलमा खेल्ने स्थानीय मिडियाहरुले जनाएका छन् ।
विश्व कप छनोट अन्तर्गत अन्तिम दुई खेलमद्धेको पहिलो खेलमा पोर्चुगलले शनिबार एन्डोराको सामना गर्दै छ । दोस्रो खेलमा समूहको शिर्षस्थानमा रहेको स्विट्जरल्याण्डसँग पोर्चुगल मङ्गलबार भिड्ने छ ।
