हेटौंडा (हाम्रो खेलकुद) – सिन्धुलीको हरिहरपुरगढी गाँउ पालिकलकाले बाग्मती गाँउपालिका गोल्डकप फुटबल प्रतियोगितको उपाधि जितेको थियो । फापरबारीमा भएको फाइनलमा राईगाँउ युवा क्लबलाई १–० ले हराउँदै हरिहरपुरगढी विजयी भएको हो ।
बाग्मती गाँउपालिका खेलकुद विकास समितिको आयोजनामा भएको प्रतियोगिताको विजेताले उपाधिसहित १ लाख, दोस्रो भएको टोलीले ५० हजार रुपैयाँ प्राप्त गरे । ३ नम्बर प्रदेश सभा सदस्य प्रेम बहादुर पुलामीले विजेता उपविजेता टोलीका खेलाडीलाई पुरस्कृत गरे ।
माघ २६ गते सुरु भएको प्रतियोगितामा बाग्मती, बकैया, खानीखोली, हरिहरपुर, श्रृजनशिल समाज, हेटौंडा एकेडेमी, राई गाँउ, कमला देवी युवा क्लब, पदमपोखरी स्पोर्ट टिम, न्यू स्टार रातोमाटे र हिमालयन युवा क्लब गरि ११ टोलीको सहभागिता रहेको थियो ।
मकवानपुरमा स्थानीय तह सञ्चालित पहिलो फुटबल प्रतियोगितामा रौतहट,सिन्धुली,सर्लाही,काभ्रेका टोलीको पनि सहभागिता थियो ।
