एबार (एजेन्सी) – क्रिस्टियानो रोनाल्डोको दुई गोलको मद्धतले रियल म्याड्रिडले एबारको घरेलु मैदानमा २-१ को जित हासिल गरेको छ । रोनाल्डोको पहिलो हाफको अग्रता दोस्रो हाफमा इभान रामिसले बराबरी गरेपनि रोनाल्डोले ८४ औं मिनेटमा गोल गर्दै रियलको जितको आधार बनाए ।
रियलले गोल गर्ने थुप्रै प्रयास गरेपनि एबारले राम्रो डिफेन्ड गर्दै भ्रमणकारी टोलीलाई गोल गर्नबाट रोकेको थियो । लुका मोड्रिकको पासलाई ३३ औं मिनेटमा सदुपयोग गर्दै रोनाल्डोले रियललाई अग्रता दिलाए ।
दोस्रो हाफमा ५० औं मिनेटमा रामिसले कर्नरमा हेड गर्दै घरेलु टोलीलाई बराबरी दिलाए । रोनाल्डोले ८४ औं मिनेटमा ड्यानी कार्बाहालको पासमा गोल गर्दै रियललाई जित दिलाए ।
अंक तालिकामा २८ खेलपछि रियलको ५७ अंक छ । दोस्रो स्थानको एथ्लेटिको म्याड्रिडको २७ खेलमा ६१ अंक छ भने चौथो स्थानमा भ्यालेन्सियाको २७ खेलमा ५३ अंक छ । एबारको ८ औं स्थानमा ३९ अंक छ ।
हाइलाइट्स
