दिपक न्यौपाने
बुटवल– लक्ष्मी हुन्डाई मनाङ मस्र्याङ्दी क्लब २० औं तिलोत्तमा गोल्डकप फुटबल प्रतियोगिताको सेमिफाइनलमा पुगेको छ । यो सिजनको सर्वाधिक सफल त्रिभुवन आर्मी क्लबको दोस्रो टोलीलाई मंगलबार ३–० ले हराउँदै मनाङ तिलोत्तमाको अन्तिम चारमा पुगेको हो ।

मनाङको जितमा विशाल राईले २ र विदेशी खेलाडी भिक्टोरले १ गोल गरे । मनाङले बिहीबार अर्को ए डिभिजन टोली रुस्लान थ्री स्टार क्लबको सामना गर्नेछ । यसपटक आर्मीसँग पटक पटक पराजित भएको मनाङले १० खेलाडीमा सिमित भएरपनि बुटवलमा भने आर्मीको दोस्रो रोजाइको टोलीलाई सजिलै हराएको थियो ।

आर्मीको पहिलो टोलीले सोमबार मात्र रमपम झापा गोल्डकपको उपाधि जितेको थियो । त्यो आर्मीको सातौं उपाधि थियो । झापा गोल्डकपको सेमिफाइनलमा मनाङलाई हराउँदै आर्मीले आयोजक झापा ११ सँगको फाइनल पक्का गरेको थियो । मनाङले खेलको अन्त्यतिर २ गोल गरेको थियो । पहिलो गोल विशालले ४० औं मिनेटमा गरेको थिए ।

मनाङका विशाल राई । फाइल तस्बिर

अग्रताको समयमा डोना थापाले ६५ औं मिनेटमा रातो कार्ड पाएपछि मनाङ १० खेलाडी सिमित भएको थियो । विशालले ९० औं मिनेटमा दोस्रो गोल गरे भने भिक्टोरले इन्जुरी समयको तेस्रो मिनेटमा गोल गरेका थिए । विशाल खेलेको म्यान अफ दी म्याच घोषित भए र उनले ११ हजार रुपैयाँ प्राप्त गरे ।

तिलोत्तमा गोल्डकपको बुधबारको पहिलो सेमिफाइनल
लाली रुपन्देहीविरुद्ध पुलिस