काठमाडौं, माघ १४ बंगबन्धु गोल्डकप विजयी गराउने राष्ट्रिय टोलीका सदस्यहरुलाई प्रधानमन्त्री केपी शर्मा ओलीले सम्मान गरेका छन् ।
प्रधानमन्त्री ओलीले राष्ट्रिय फुटबल टिमका सदस्यलाई बिहीवार बालुवाटारस्थित आफ्नै निवासमा बोलाएर सम्मान गर्दै राष्ट्रिय खेलकुद परिषद्को सिफारिस अनुसार टोलीका सबै सदस्यलाई जनही २–२ लाख रुपैयाँ प्रदान गरिने बताए ।
बंगबन्धु कपमा पाएको सफलताले नेपाली फुटबल टोली जितको लयमा फर्किएको बताउदै प्रधानमन्त्री ओलीले १२औं सागमा स्वर्णपदकको आशा गरिएको बताए ।
कार्यक्रममा युवा तथा खेलकुदन्त्री सत्यनारायण मण्डलले पछिल्लो समय फुटबलमा भएको नकरात्मक सन्देशलाई बंगबन्धुले सफा गरेको बताए ।
नेपाली टिमले बहराइनको यु–२३ टिमलाई ३–० ले पराजित गर्दै लाइबंगबन्धु कपको उपाधि हात पारेको थियो ।
