आम्स्टर्डम (एजेन्सी)– ब्राजिलियन स्टार नेयमारले विश्वकपका दौरान गरेको अभिनयका कारण मानिसहरुले हासोको विषय बनाएको नेदरल्यान्ड्सका पूर्व खेलाडी मार्को भान बास्टिनले बताएका छन् ।

यद्दपी रसियामा जारी विश्व कपमा नेयमार सबैभन्दा बढी फाउल गरिएका खेलाडी हुन् । कतिपय विपक्षी रक्षकहरुको खराब ट्याकलमा उनलाई उपचार पनि गर्नुपरेको थियो । भान बास्टिनले २६ वर्षे स्टारलाई अभिनय कम गर्न सुझाव दिएका छन् ।

‘सामान्यतया यो राम्रो तरिका होइन । तिमिले सक्दो राम्रो गर्न प्रयास गर्नुपर्दछ । तर फुटबलमा यसरी धेरै अभिनय गरिन्छ भने त्यसले फाइदा गर्दैन,’ उनले भने, ‘मलाई लाग्छ त्यस्तो परिस्थितिलाई उनी आफैले बुझ्नु पर्दछ । केहि हासो ठट्टाका लागि सम्म यो ठिकै हो । त्यसले मान्छेहरुलाई हास्न मद्दत गर्छ ।’

यसैबीच ब्राजिलियन टोलकिा पूर्व प्रशिक्षक कार्लोस अल्र्बेटो परिराले नेयमारविरुद्ध विपक्षी रक्षकहरु निर्मम हुने गरेको बताएका छन् । ‘उनी धेरै पटक लडाइए । कति फाउल गरियो । कतिपय अवस्थामा भने नजानिकन पनि भएको छ,’ उनले थपे, त्यसले केहि प्रचार होला । तर नेयमार हाम्रा लागि त्यो खेलाडी हुन् जसले खेलमा प्रभाव पार्न सक्छन् ।’

पेरिराले ब्राजिललाई सन् १९९४ र २००६ विश्वकपमा प्रशिक्षण दिएका थिए । नेयमार सहितको ब्राजिलियन टोली यसपटकको विश्व कपको क्वार्टरफाइनलमा बेल्जियमसँग पराजित भएको थियो ।