काठमाडौं ( हाम्रो खेलकुद) – एएफसी यू१९ महिला च्याम्पियनसिप छनोटमा शुक्रबार नेपालले भारतसँग खेल्दैछ । नेपाली यु–१९ टोलीका प्रशिक्षक हरिओम श्रेष्ठले भारतविरुद्धको खेल नेपालको लागि गर या मर को स्थिति रहेको बताएका छन् ।

खेलअघि बिहिबार सञ्चार कर्मीसँग कुरा गर्दै उनले बलियो भारतविरुद्ध हामीले रक्षात्मक रणनीति अपनाउने बताए । ‘भारतविरुद्ध जितको विकल्प छैन । गत महिना हामीले उनीहरुलाई पराजित गरिसकेका छौं । हाम्रो टिममा कुनै खेलाडी परिवर्तन नरहँदा भारतीय टिममा दुई नयाँ खेलाडीलाई टिममा समावेश गरेको सुनेको छु । त्यसले हामीलाई कुनै प्रभाव पार्ने छैन,’ प्रशिक्षक श्रेष्ठले भने, ‘नेपाल र भारत समान हैसियतका टोली हुन् । हामी थाइल्यान्डसँग पराजित भएपनि हाम्रो आत्मविश्वासमा कमी आएको छै । हामी भारतविरुद्ध साफको नतिजा दोहो¥याउने लक्ष्यमा मैदान उत्रनेछौं ।’

यता भारतीय टोलीका प्रशिक्षक एलेक्स अम्ब्रोसले पाकिस्तानलाई सहजै पराजित गरेपनि नेपालविरुद्धको खेल सहज नहुने बताएका छन् । ‘नेपालविरुद्धको खेल प्रतिस्पर्धात्मक नै हुनेछ । नेपालले थाइल्यान्डसँग उत्कृष्ट खेल पस्केको थियो । उनीहरुले थाइल्यान्डविरुद्ध ढुक्कले फुटबल खेलेको थियो,’ प्रशिक्षक एलेक्सले भने, ‘तर, हामी नेपालविरुद्ध जितकै लागि खेल्नेछौं । दुवै टोली समान स्तरका छन् । उमेर समूहमा नतिजाभन्दा पनि एक्सपोजर महत्वपूर्ण हुनेछ ।

नेपाल आफ्नो पहिलो खेलमा आयोजक थाइल्यान्डसँग ३–० ले पराजित भएको थियो ।