नेपाली राष्ट्रिय फुटबल टोलि र मलेसियाको अन्डर-२२ राष्ट्रिय टोलि आज साँझ एक मैत्रीपूर्ण खेलमा आमने सामने हुदैं छन् |
मलेसियाको सेम्बिलन स्थित अब्दुल रहमान तुआन्कु रंगशालामा हुने खेल नेपाली समयानुसार साँझको ६:४५ बजे सुरु हुनेछ | जापानिज प्रशिक्षक कोजी ग्योतोकुको पहिलो खेल रहेको यस खेलमा नेपालका प्रमुख छ खेलाडी विविध कारणले गर्दा उपस्थित छैनन् |
आज हुने खेलमा विराज महर्जनले कप्तानी गर्नेछन भने गोलरक्षकको भूमिकामा कसलाई खेलाउने भन्ने विषय प्रशिक्षकको लागि टाउको दुखाई बनेको छ |
बिमल र अन्जनको अनुपस्थितिमा भरत खवास र प्रकाश बुढाथोकीले नवयुग श्रेष्ठसंग मिलेर टोलीको आक्रमण सम्हाल्ने छन् | विशाल राई र हेमन गुरुङले मध्यक्रम सम्हाल्ने सम्भावना देखिएको छ |
