5 years ago
January 14, 2019
सुबास हुमागाईं, धनगढी भिक्टर अमोबी नेपाली फुटबलमा स्थापित विदेशी खेलाडी हुन् । सन् २०१२ मा रुस्लान थ्री स्टारबाट आफ्नो करिअर सुरु गरेका भिक्टरले थ्री स्टारसँगै दुई पटक लिग उपाधि पनि जितेका छन् । थ्री स्टारबाट सुरु भएको २८ वर्षीय भिक्टरको व्यवसायिक यात्रा अहिले मनाङ मर्स्याङदी क्लबमा आइपुगेको छ । त्यसो त उनले यसअघि पनि मनाङको […]
सुबास हुमागाईं, धनगढी
भिक्टर अमोबी नेपाली फुटबलमा स्थापित विदेशी खेलाडी हुन् । सन् २०१२ मा रुस्लान थ्री स्टारबाट आफ्नो करिअर सुरु गरेका भिक्टरले थ्री स्टारसँगै दुई पटक लिग उपाधि पनि जितेका छन् । थ्री स्टारबाट सुरु भएको २८ वर्षीय भिक्टरको व्यवसायिक यात्रा अहिले मनाङ मर्स्याङदी क्लबमा आइपुगेको छ । त्यसो त उनले यसअघि पनि मनाङको जर्सी लगाईसकेका छन् ।
भिक्टरले सन् २०१२ मा थ्री स्टार आएपछि क्लबसँग रहेर लिग उपाधि जिते । त्यसपछि उनले एक सिजन फ्रेन्ड्सको जर्सी पहिरिए । मोफसलका प्रतियोगितामा पनि भिक्टरले सहारा, धरान, लगायत अन्य थुप्रै टोलीबाट खेले । छोटो कद भएपनि छरितो भिक्टरले मोफसलका प्रतियोगितामा केहि टोलीको कप्तानी पनि गरेका छन् । उनकै कप्तानीमा अफ्रिकन युनाइटेडले सन् २०१४ को बुढासुब्बा गोल्डकप उपाधि पनि जितेको थियो ।
राष्ट्रिय लिगका लागि भने उनी थ्री स्टारमै फर्किए र लिग उपाधि जिते पनि । त्यसपछि भने उनको करिअरले अर्को उडान भर्यो । भारतको आईलिग क्लब मिनेर्भा पन्जाबले उनलाई एक सिजनका लागि अनुबन्धन गर्यो । लिगका १८ खेलेका भिक्टर अर्को सिजनका लागि भने नेपाल नै फर्किए । भारतबाट फर्केपछि उनी मनाङसँग जोडीए । मोफसलका प्रतियोगितामा मनाङबाट खेलेका उनले त्यसपछि लिगमा भने क्लबमा रहन सकेनन् ।
गत साता राजधानीमा सम्पन्न सहिद स्मारक ए डिभिजन लिगमा पनि उनले मनाङसँग अनुबन्धन हुने प्रारम्भिक छलफल थालेका थिए । उनले प्रशिक्षणमा पनि सहभागिता जनाए । तर क्लबलाई सेन्टर डिफेन्डर खाँचो परेको अवस्थामा उनी क्लबको रोजाइमा परेनन् । मनाङले अर्का विदेशी भिक्टर कामुखालाई रोज्यो र भिक्टर अमोबीले सरस्वतीबाट लिग खेल्ने निर्णय गरे ।
सरस्वतीका लागि भिक्टरले मिडफिल्ड र फरवार्डको सम्भावित सबै पोजिसनबाट खेले । उनले लिगदौरान ४ गोल गर्दै क्लबका सर्वाधिक गोलकर्ता पनि बने । उनी सरस्वतीका लागि आफ्नो व्यक्तिगत प्रदर्शनलाई लिएर सन्तुष्ट छन् । ‘सरस्वतीको लक्ष्य मध्ये तालिकामा आउने थियो । नवौं स्थानमा आउनुभन्दा राम्रो नतिजा पनि आउँ सक्थ्यो । केहि खेलमा हाम्रो प्रदर्शन कमजोर रहयो,’ उनले भने,’ व्यक्तिगत रुपमा भने मेरो प्रदर्शन लिएर सन्तुष्ट छु । मिडफिल्ड र फरवार्डमा हरेक पोजिसनमा टोलीको आवश्यकताअनुसार खेलें ।’
भिक्टरले नेपाली लिग पछिल्लो समयभन्दा सुधारिएको ठानेका छन् । ‘विगतभन्दा नेपाली खेलाडीको स्तर निकै बढेको पाएको छु । विशेषगरि युवा खेलाडीहरुको स्तर निकै राम्रो रहेको छ । मैले ६ वर्षअघि लिग खेल्दा र अहिलेको तुलनामा लिग निकै प्रतिस्पर्धात्मक रहेको पाएँ,’ उनले भने । भिक्टरले विदेशी खेलाडीको संख्या बढाए खेलको स्तर अझै सुधार्न सक्ने बताए ।
‘विगतमा हरेक टोलीले ५ विदेशी खेलाडी अनुबन्ध गरेर ४ खेलाडी मैदानमा उतार्न पाउँथे । यसले गर्दा हरेक टोलीले वैकल्पिक खेलाडीको रुपमा पनि एक विदेशी राख्न सक्थे । खेलको अवस्थाअनुसार रणनिति बदल्न सक्थे,’ उनले थपे, ‘ यसले नेपाली खेलाडीलाई नै सहयोग पुग्ने हो । बलियो टोलीविरुद्ध र सँगै खेल्दा आफ्नो स्तर पनि बढ्छ । एन्फाले आउने दिनमा यसलाई सम्बोधन गर्ने आशा राखेको छु ।’
आइतबर धनगढीमा जारी खप्तड गोल्डकपमा मनाङ नेपाल पुलिस क्लबसँग १-० ले पराजित भयो । उक्त खेलमा भिक्टर मनाङको बेन्चमा थिए । फिदिममा भएको फाल्गुनन्द गोल्डकपमा सरस्वतीबाट सेमिफाइनल खेलेका उनी दोस्रो हाफमा मात्र धनगढी आइपुगेका थिए ।
काठमाडौंबाट आउने उडान ढिलो भएका कारण उनी सुरुवाती रोजाइमा खेल्न नपाएको मनाङका प्रशिक्षक तोपे फुजाले बताए ।फुजाले भिक्टरलाई विंगरको रुपमा प्रयोग गर्ने पनि जानकारी दिए । ‘हाम्रो टोलीमा विंगरको कमि भएको महसुस गरेको छु । त्यसैले उनलाई त्यस पोजिसनमा खेलाउने छु । पुलिसविरुद्ध पनि मैले उनलाई पहिलो रोजाइमा खेलाउने रणनीति बनाएको थिएँ तर ढिलो आएका कारण त्यो सम्भव भएन,’ फुजाले पुलिसविरुद्ध खेलपछि भने ।
भिक्टर अब मनाङसँग नयाँ अनुबन्धन गरेर केहि समय नेपालमा नै खेल्ने पक्षमा छन् । उनले यहाँ खेल्न आउनुको मुख्य लक्ष्य भनेको अन्य लिगमा अवसर खोज्नु रहेको पनि प्रष्ट पारे । ‘नेपाली फुटबलको स्तर राम्रो छ । यहाँ खेल्दा अन्य लिगमा खेल्न जान पनि हामीलाई सहज हुन्छ । यसअघि भारतको लिगमा पनि यहाँकै प्रदर्शनको आधारमा मैले अवसर पाएको थिएँ,’ उनले भने ।
नेपाली राष्ट्रिय फुटबल टोलीका अधिकांश सदस्यसँग उनले खेलेका छन् । नेपाली राष्ट्रिय टोलीको स्तर उकास्न एन्फाले मैत्रीपूर्ण खेल खेलाउनुपर्ने पनि उनले जोड दिए । ‘नेपालको फुटबल एकदम राम्रो छ । नियमित म्याच एक्सपोजर दिने हो भने दक्षिण एसियामा अब्बल हुन सक्छ । युवा खेलाडीहरुमा असिमित ट्यालेन्ट छ, त्यसलाई उचित स्थान दिनु जरुरि छ,’ भिक्टरले टुंग्याए ।
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]