दिपक बोहोरा, पाँचथर
झापा ११ फुटबल क्लबले दशौं रुस्लान फाल्गुनन्द गोल्ड कप फुटबल प्रतियोगिताको उपाधि जितेको छ । झापाले ए डिभिजन टोली त्रिभुवन आर्मी क्लबलाई २–१ ले हराउँदै वर्षको पहिलो उपाधि जितेको हो । उपाधिसँगै झापा ले नगद चार लाख प्राप्त गर्यो भने उपविजेता बनेको आर्मीले दुई लाखमै चित्त बुझायो । झापाका देवेन्द्र तामाङले सर्वोत्कृष्ट खेलाडी बन्दै मोटरसाइकल हात पारे ।
सोमबार फिदिम मा.बिको मैदानमा भएको फाइनलमा झापाको जितमा दुवै गोल पुजन उपरकोटिले गरे । पुजनले दुवै हाफमा १-१ गोल गरेपछि झापाको जित निश्चित भएको थियो । पहिलो हाफ १–१ को बराबरी रहेको खेल सकिन ७ मिनेट बाँकी रहँदा पुजनले निर्णायक गोल गरेका थिए ।
पुजनकै गोलबाट झापाले पहिलो हाफको २३ औं मिनेटमा अग्रता लिएको थियो ।तर, ७१ औं मिनेटमा राजिव गुरुङले गोल गर्दै आर्मीलाई खेलमा फर्काएका थिए । अन्त्यमा पुजन नायक बने र झापा च्याम्पियन बन्न सफल भयो । पहिलो हाफमा निकै राम्रा अवुर गुमाउँदा आर्मी पराजित हुन पुग्यो । झापाका कर्ण लिम्बुले दोश्रो हाफमा गोलका केहि अवसर गुमाए ।
फाइनल खेलमा आर्मीका राजिब गुरुङ म्यान अफ दि म्याच हुदै नगद दश हजार प्राप्त गरे । टिमको तालमेल नमिल्दा आफ्नो टिम पराजित हुन परेको आर्मी प्रशिक्षक गंगाराम देउजाले बताए । यता झापाका प्रशिक्षक प्रवेश कटुवालले टिमको रणनिती सफल हुँदा उपाधि जित्न सफल भएको बताए ।
प्रतियागितामा चार गोल गरेका झापा कर्ण लिम्बू सर्वाधिक गोलकर्ता हुँदै १५ हजार रुपैयाँ प्राप्त गरे । प्रतियोगिताको उत्कृष्ट गोलरक्षक झापाका मनोज प्रधान, उत्कृष्ट डिफ्रन्डर आर्मीका युद्ध शाहि, उत्कृष्ट फरवार्ड झापाका दिलेन लोक्तान तथा उत्कृष्ट मिडफिल्डर झापाका पुजन उपरकोटि बने । उत्कृष्ट सबैले जनही दश हजार रुपैयाँ प्राप्त गरे । प्रतियोगिताको उदयमानी खेलाडी फिदिम स्पोर्टीङ क्लबका प्रवीन जबेगु चुनिए । उनले दश हजार रुपैयाँ प्राप्त गरे ।
देवेन्द्र प्रतियोगिताको सर्वाकृष्ट खेलाडी
राष्ट्रिय टोलीका नियमित सदस्य तथा झापा ११ का खेलाडी देवेन्द्र तामाङ दशौं रुस्लान फाल्गुनन्द गोल्डकपको सर्वोत्कृष्ट खेलाडी घोषित भए । तामाङले सर्वोकृष्ट खेलाडी हुँदै यामाहाको मोटर साइकल प्राप्त गरे । आयोजक, पत्रकार र फुटबलसंग सम्बन्धीत व्यक्तिहरुको समितिले तामाङलाइ सर्वाेकृष्ट खेलाडीको रुपमा छनोट गरेको हो ।
