7 years ago
January 15, 2019
एजेन्सी – इंग्लिस प्रिमियर लिग अन्तर्गत ब्राजिलियन फरवार्ड गाब्रियल जेससले दुई गोल गरेको खेलमा म्यानचेस्टर सिटीले वल्भ्सलाई ३–० ले पराजित गरेको छ ।

सिटीले घरेलु मैदानमा सोमबार राति भएको खेलमा १० खेलाडीमा समेटिएको वल्भ्सलाई सहजै पराजित गरेको हो । सिटीको जितमा गाब्रियल जेससले दुई गोल गर्दा एक गोल उपहार पाएको थियो ।

खेलको १०औं मिनेटमा लिरोए सानेको क्रस पासमा जेससले गोल गर्दै सिटीलाई अग्रता दिलाएका थिए । १९औं मिनेटमा वल्भ्स १० खेलाडीमा समेटियो । वल्भ्सका विली बोलीले बर्नाडो सिल्भामाथि अनावश्यक ट्याकल गरेपछि रेफ्रीले रातो कार्ड देखाउदै मैदान बाहिर पठाएका थिए । त्यसपछि वल्भ्स कमजोर बन्दा सिटीले यसको प्रत्यक्ष फाइदा उठायो ।
३९औं मिनेटमा सिटीका रहिम स्ट्रलिङलाई रायन बेन्नेटले पेनाल्टी बक्सभित्र फउल गरेपछि सिटीले पेनाल्टीको मौका पाएको थियो । जसलाई जेससले कुनै गल्ती गरेनन् । पहिलो हाफमा २–० को अग्रता लिएको सिटीले दोस्रो हाफमा उपहार गोल पायो ।

७८औं मिनेटमा कोनोर कोडीले आत्मघाती गोल गरेपछि सिटी ३–० ले विजयी हुन सफल भयो । सिटीका केभिड डि ब्रुयनले क्रस गरेको बललाई बचाउन खोज्दा कोनोरले बललाई आफ्नौ पोस्टको दिशा दिएका थिए ।
जितसँगै सिटीले शीर्ष स्थानमा रहेको लिभरपुलसँगको अंक दुरी चारमा झार्दै लिभरपुलमाथि दवाव बढाएको छ । सिटीको २२ खेलबाट ५३ अंक पुगेको छ । समान खेलबाटै शीर्षस्थानमा रहेको लिभरपलुको ५७ अंक रहेको छ । सिटीसँग पराजित वल्भ्स २९ अंक जोडेर ११औं स्थानमा छ ।
December 14, 2025
काठमाडौं (हाम्रो खेलकुद)- भारतको इस्ट बंगाल एफसीसँगै नेपालको लिग च्याम्पियन एपिएफ दशरथ रंगशालामा जारी साफ महिला क्लब च्याम्पियनसिपको फाइनल पुगेको छ। इस्ट बंगालले आज बंगलादेशको नासिर स्पोर्टस एकेडेमीलाई ७-० ले गराएसँगै एपिएफको फाइनलमा यात्रा पक्का भएको हो। इस्ट बंगाल र एपिएफले फाइनलमा एकअर्काको सामना गर्नेछन् ।त्यसअघि बुधवार लिग चरणको अन्तिम खेल पनि यी दुई टोलीबीच […]
December 14, 2025
काठमाडौं (हाम्रो खेलकुद)- एपिएफ दशरथ रंगशालामा जारी साफ महिला क्लब च्याम्पियनसिपको फाइनल नजिक पुगेको छ। पाकिस्तानको कराँची सिटी एफसीलाई १-० ले हराउँदै एपिएफ फाइनल नजिक पुगेको हो। दोस्रो जितसँगै ७ अंकका साथ एपिएफ शीर्ष स्थानमा उक्लिएको छ। पहिलो खेल नासिर स्पोर्टस एकेडेमीलाई ४-० ले हराएको एपिएफ दोस्रो खेलमा भुटानको ट्रान्सपोर्ट युनाइटेडसँग गोलरहित बराबरीमा रोकिएको थियो। […]
December 14, 2025
काठमाडौं (हाम्रो खेलकुद)- दुबईमा सम्पन्न आइबिए पुरुष विश्व बक्सिङ च्याम्पियनसिपको ५४ केजी तौल समूहमा कास्य पदक जितेका बक्सर चन्द्र बहादुर थापासहित नेपाली बक्सिङ टोली स्वदेश फर्केको छ। तेस्रो स्थान प्राप्त गरेका चन्द्रले पुरस्कारवापत चन्द्रले ७५ हजार अमेरिकी डलर प्राप्त गरेका छन् । सेमिफाइनल उनी काजकस्तानका खेलाडीसँग ५-० ले पराजित भएका थिए। क्वाटरफाइनलमा इरानका महेदी काजमीलाई ५-० […]