5 years ago
January 19, 2019
अखिल नेपाल फुटबल संघ (एन्फा) को बिहीबार बसेको कार्यसमिति बैठकले स्विडिस प्रशिक्षक योहान कालिनलाई नेपाली राष्ट्रिय फुटबल टोलीको मुख्य प्रशिक्षकको जिम्मेवारी सुम्पने निर्णय गरेको छ । यसअघि नेपालमै रहेर मछिन्द्र क्लबको प्रशिक्षकको पनि जिम्मेवारी सम्हालेका कालिन मार्चदेखि प्रशिक्षकमा नियुक्त हुँदैछन् । यसै सेरोफेरोमा हाम्रो खेलकुदका सुबास हुमागाईंले प्रशिक्षक कालिनसँग लिएको अन्तर्वार्ता : १. राष्ट्रिय टोलीको […]
अखिल नेपाल फुटबल संघ (एन्फा) को बिहीबार बसेको कार्यसमिति बैठकले स्विडिस प्रशिक्षक योहान कालिनलाई नेपाली राष्ट्रिय फुटबल टोलीको मुख्य प्रशिक्षकको जिम्मेवारी सुम्पने निर्णय गरेको छ । यसअघि नेपालमै रहेर मछिन्द्र क्लबको प्रशिक्षकको पनि जिम्मेवारी सम्हालेका कालिन मार्चदेखि प्रशिक्षकमा नियुक्त हुँदैछन् । यसै सेरोफेरोमा हाम्रो खेलकुदका सुबास हुमागाईंले प्रशिक्षक कालिनसँग लिएको अन्तर्वार्ता :
१. राष्ट्रिय टोलीको प्रशिक्षकमा नियुक्त हुनुभएकोमा बधाई छ । यो निर्णय लिनुको पछाडी मुख्य कारण के थियो ?
– धन्यवाद । नेपाली फुटबलमा पछिल्लो समय राम्रो कामहरु भइरहेको आभास गरेको छु । यस विकासको गतिमा आफूपनि संलग्न हुन पाउनु मेरो लागि राम्रो चुनौतीको हुने पाएँ । यसअघी नेपालको फुटबलमा मछिन्द्रसँग रहेर काम गर्दा रमाइलो अनुभव भएको थियो । अहिले राष्ट्रिय टोलीको नै जिम्मवारी पाउँदा खुसी छु ।
२. दुई वर्षे कार्यकालबाट के अपेक्षा राख्नुभएको छ ?
– यो दुई वर्ष हामी नेपाली फुटबलको विकासको लागि कडा मिहिनेत गरेर अगाडी बढ्नेछौं ।
३. केहि वर्षअघि पनि राष्ट्रिय टोलीको प्रशिक्षकको रुपमा नियुक्तिबारे हल्ला चालेको थियो, अहिले निर्णय परिवर्तन भएको हो ?
– मछिन्द्रमा रहँदा पनि राष्ट्रिय टोलीमा केहि जिम्मेवारी दिनेबारे छलफल चलेको थियो । तर मैले अहिलेसम्म मुख्य प्रशिक्षकको जिम्मेवारी भने नकारेको छैन ।
४. तपाईंले नेपाल छाडेपछि धेरै युवा खेलाडी राष्ट्रिय टोलीमा आएका छन्, के नेपाली फुटबलको पछिल्लो प्रदर्शन नियाल्नुभएको छ ?
– मैले विस्तृत रुपमा नभएपनि नेपाली फुटबलबारे चासो राखिरहेको हुन्थे । अझैपनि नेपालमा मेरा केहि साथीहरु छन् जोसँग म नियमित सम्पर्कमा छु । इन्टरनेटबाट पछिल्ला केहि खेल हेरेको पनि छु । मैले आफूलाई सबै परिवर्तनसँग अभ्यस्त गराउन खेलाडीहरुलाई आफ्नै अगाडी देख्नु पर्छ नै । तर मेरो स्थानबाट नेपाली फुटबललाई सक्दो नजिकबाट नियाल्ने प्रयास गरिरहेको थिएँ ।
५. घरेलु फुटबल दयनीय अवस्थामा छ । भर्खरै मात्र ए डिभिजन लिग भयो, त्यो पनि रेलिगेसन बिना । घरेलु फुटबलबाट के अपेक्षा राख्नुभएको छ ?
– पछिल्लो केहि वर्ष नेपाली फुटबलको लागि निकै कठिन समय रहयो, त्यो मैले बुझेको छु । अहिले सबै पक्षमा राम्रो कार्य भइरहेको छ । सबै पक्षलाई एकैपटक परिवर्तन गर्न सम्भव छैन तर सहि पथमा भने अगाडी बढिरहेको छ । लिग फेरी सुचारु भएको छ र यो राम्रो संकेत हो ।
६. मार्चमा आगमनलगत्तै यू-२३ टोलीको जिम्मेवारी वहन गर्दै हुनुहुन्छ । यसलाई कसरि हेर्नुभएको छ ?
– म अब आएर यू-२३ टोलीको जिम्मेवारी सम्हाल्दैछु । यो मेरो लागि पनि राम्रो हुनेछ किनकि मैले भविष्यमा राष्ट्रिय टोलीबाट खेल्न सक्ने प्रतिभाहरुसँग नजिकबाट काम गर्ने अवसर प्राप्त गर्नेछु ।
७. के तपाईंले आफूसँग काम गर्न कोहि सहायक प्रशिक्षक ल्याउनुहुन्छ ?
– त्यसबारे एन्फासँग विस्तृत छलफल गर्न बाँकी नै छ । अहिलेलाई मैले स्विडेनबाट सहायक प्रशिक्षक ल्याउने छैन ।
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]