7 years ago
January 21, 2019
सुनिल गाउँले, सिमरा
त्रिभुवन आर्मी क्लबका डिफेन्डर दीपक गुरुडका आइतबार दिन विशेष रह्यो । रुस्लान सिमरा गोल्ड कपमा आइतबार आर्मीले अर्को विभागिय टोलीलाई ४–२ ले हराउँदा एक गोल दीपकले पनि गरे ।
आर्मीको जितमा टंक बस्नेतले २ तथा सुदिल राईले पनि १ गोल गरे । खेलमा दीपक म्यान अफ द म्याच घोषित भए । आर्मीका लागि एपीएफविरुद्ध खेलेसँगै दीपकले एउटा कीर्तिमान पनि बनाए । सिमरा गोल्ड कपको दशौं संस्करणसम्म आइपुग्दा सबै संस्करण खेल्ने उनी पहिलो खेलाडी पनि बनेका छन् ।
उनले यसक्रममा अलग-अलग ४ क्लबबाट सिमरा गोल्डकपको सबै संस्करण खेले । पछिल्लो ६ संस्करणभने उनले आर्मीबाट खेल्दै आएका छन् । मकवानपुर ११ बाट सिमरा गोल्डकपको पहिलो संस्करण खेलेका दीपकले दोस्रो संस्करण फेन्ड्स क्लब तथा तेस्रो र चौथो संस्करण हिमालयन शेर्पाबाट खेलेका थिए ।
सबै संस्करण खेल्ने एक्लो खेलाडी भन्दै सिमरा गोल्डकपको आयोजक नवजनजागृति क्लबले उनलाई आइतबार सम्मान गर्यो । सम्मानसहित उनलाई क्लबले १० हजार रुपैयाँ प्रदान गर्यो । उनलाई क्लबका उपाध्यक्ष शंकर थापा सहितका पदाधिकारीले सम्मान गरेका थिए ।
पछिल्लो समय आर्मीको सुरुवाती रोजाइमा पर्न संघर्षरत दिपक अघिल्लो वर्षसम्म राष्ट्रिय टोलीमा थिए । उनी सन् २०१६ मा एएफसी सोलिडारिटी कप जितेको टोलीका सदस्य पनि हुन् । राष्ट्रिय टोलीमा परेपनि उनले अहिलेसम्म डेब्यु गर्ने अवसर भने पाएका छैनन् ।
December 14, 2025
काठमाडौं (हाम्रो खेलकुद)- एपिएफ दशरथ रंगशालामा जारी साफ महिला क्लब च्याम्पियनसिपको फाइनल नजिक पुगेको छ। पाकिस्तानको कराँची सिटी एफसीलाई १-० ले हराउँदै एपिएफ फाइनल नजिक पुगेको हो। दोस्रो जितसँगै ७ अंकका साथ एपिएफ शीर्ष स्थानमा उक्लिएको छ। पहिलो खेल नासिर स्पोर्टस एकेडेमीलाई ४-० ले हराएको एपिएफ दोस्रो खेलमा भुटानको ट्रान्सपोर्ट युनाइटेडसँग गोलरहित बराबरीमा रोकिएको थियो। […]
December 14, 2025
काठमाडौं (हाम्रो खेलकुद)- दुबईमा सम्पन्न आइबिए पुरुष विश्व बक्सिङ च्याम्पियनसिपको ५४ केजी तौल समूहमा कास्य पदक जितेका बक्सर चन्द्र बहादुर थापासहित नेपाली बक्सिङ टोली स्वदेश फर्केको छ। तेस्रो स्थान प्राप्त गरेका चन्द्रले पुरस्कारवापत चन्द्रले ७५ हजार अमेरिकी डलर प्राप्त गरेका छन् । सेमिफाइनल उनी काजकस्तानका खेलाडीसँग ५-० ले पराजित भएका थिए। क्वाटरफाइनलमा इरानका महेदी काजमीलाई ५-० […]
December 14, 2025
काठमाडौं (हाम्रो खेलकुद)- एपिएफको २ खेलको प्रदर्शनलाई हेर्दा त्रिपुरेश्वरस्थित दशरथ रंगशालामा जारी साफ महिला क्लब च्याम्पियनसिपको फाइनलको दाबेदार देखिन्छ। तर आज हुने खेलको नतिजा एपिएफलाई फाइनल पुग्नका लागि महत्वपूर्ण हुनेछ। भारतीय क्लब इस्ट बंगाल लगातार २ खेल जित्दै ६ अंकका साथ शीर्ष स्थानमा छ। इस्ट बंगाल च्याम्पियनसिपको मुख्य दाबेदारका रुपमा देखिएको छ। एपिएफले २ खेलमा […]
