6 years ago
January 20, 2019
एजेन्सी – इंग्लिस प्रिमियर लिग फुटबलमा डिफेन्डिङ च्याम्पियन म्यानचेस्टर सिटीले शीर्ष स्थानमा रहेको लिभरपुललाई पछ्याइरहेको छ ।
प्रिमियर लिग अन्तर्गत आइतबार राति भएको खेलमा सिटीले रेलिगेसन जोनमा रहेको हडर्सफिल्डलाई ३–० ले पराजित गर्दै शीर्ष स्थानको लिभरपुलसँगको अंक दुरी ४ मा झारेको हो ।
सिटीको २३ खेलबाट ५६ अंक पुगेको छ । यसक्रममा सिटीले १८ जित, २ बराबरी र ३ हारको नतिजा निकालेको छ । शीर्षस्थानमा रहेको लिभरपुलको समान २३ खेलबाट ६० अंक रहेको छ । लिभरपुलले १९ खेलमा जित हात पार्दा ३ बराबरी र १ मात्र हार बेहोरेको छ ।
हडर्सफिल्डको घरेलु मैदानमा सिटीलाइ जिताउन ड्यानिलो, रहिम स्ट्रलिङ र लिरोए सानेले गोल गरे । सिटीले पहिलो हाफमा १ तथा दोस्रो हाफमा २ गोल गर्न सफल भएको थियो ।
१८औं मिनेटमा काइल वाल्करको पासमा ड्यानिलोले गोल गर्दै सिटीलाई अग्रता दिलाएका थिए ।
५४औं मिनेटमा लिरोए सानेको क्रस पासमा रहिम स्ट्रलिङले डाइभिङ हेडर गर्दै सिटीको अग्रता दोब्बर पारेका थिए । त्यसको दुई मिनेटपछि नै लिरोए सानेल गोल गर्दै सिटीलाई ३–० को सहज जित दिलाए । उनले सर्जियो अग्विरोको पासमा गोल गरेका थिए ।
सिटीसँगको हारपछि हडर्सफिल्ड ११ अंक जोडेर रेलिगेसन जोनको पुछारमा छ ।
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
December 12, 2024
एजेन्सी – बार्सिलोना च्याम्पियन्स लिग अंक तालिकाको दोस्रो स्थानमा उक्लेको छ। बार्सिलोनाले बुधवार बोरुसिया डर्टमन्डलाई ३-२ ले पराजित गर्दै दोस्रो स्थानमा स्थानमा उक्लेको हो। दोस्रो हाफमा मैदानमा प्रवेश गरेका फेरान टोरेसको निर्णायकसहित २ गोल गरेपछि बार्सिलोना विजयी भएको हो। पहिलो हाफ गोलरहित बराबरीमा टुंगिएको थियो। ५२औं मिनेटमा बार्सिलोनाले कप्तान राफिन्हाको गोलमा अग्रता लियो । डर्टमन्ड […]
