काठमाडौं (हाम्रो खेलकुद) – मदन भन्डारी स्मृति अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको क्वाटरफाइलमा विभागीय त्रिभुवन आर्मी क्लब र रुस्लान थ्री स्टार क्लब भिड्ने भएका छन् ।

आयोजकले बुधबार सार्वजनिक गरेको खेल तालिका अनुसार साविकको विजेता थ्री स्टारले क्वाटरफाइनलमै आर्मीसँग प्रतिस्पर्धा गर्नुपरेको हो । आर्मी र थ्री स्टारको खेल माघ १४ गते हुनेछ ।

अघिल्लो संस्करणको उपविजेता सिग्नेचर मनाङ मस्र्याङ्दी क्लबभने तुलनात्मक रुपम सहज समूहमा परेको छ । मनाङले आफ्नो पहिलो खेलमा राष्ट्रिय जागृति क्लबकको सामना गर्नेछ । खेल १३ माघमा हुनेछ ।

प्रतियोगितामा ८ टोलीको सहभागिता रहेको छ । सहभागी ८ टोलीलाई दुई समूहमा विभाजन गरिएको छ । समूह ‘ए’ मा क्यामरुनको दाफिन्स फुटबल टिम, मेची नेत्रालय काकडभिट्टा फुटबल ट्रेनिङ सेन्टर, आर्मी र थ्री स्टार रहेका छन् । समूह ‘बी’ मा मनाङ, राष्ट्रिय जागृति क्लब, नेपाल पुलिस क्लब र भुटान सिएफसी रहेका छन् ।

प्रतियोगिताको विजेताले १६ लाख रुपैया हात पार्नेछ । गतवर्ष थ्री स्टारले मनाङलाई १–० ले पराजित गर्दै उपाधि जितेको थियो । प्रतियोगिता माघ १२ गतेदेखि १९ गतेसम्म सुनसरीस्थित इटहरी रंगशालामा हुनेछ । यसपटक प्रतियोगिताको विजेताले उपाधिसहित १६ लाख रुपैयाँ प्राप्त गर्नेछ ।