एजेन्सी – लिग वान क्लब पेरिस सेन्ट जर्मेन (पीएसजी) ले फ्रेन्च कपमा स्टार्सवर्गमाथिको जित महँगो सावित बनेको छ । फ्रेन्च कपमा स्टार्सवर्गमासथ २–० को जित निकालेको खेलमा उसका फरवार्ड नेयमार घाइते बनेका हुन् ।
चोटकै कारण नेयमारले खेलको ६२औं मिनेटमा मैदान छाडेका थिए । उनको स्थानमा डियावी मैदान प्रवेश गरेका थिए । नेयमार मोआटाज जेमजेमीको ट्याकलमा परेका थिए । यससँगै नेयमारले च्याम्पियन्स लिग अन्तरगतको म्यानचेस्टर युनाइटेडविरुद्धको प्रि–क्वाटरफाइनल खेल गुमाउन सक्ने क्लबले जनाएको छ ।
घरेलु मैदानमा पीएसजीलाई जिताउन एडिन्सन काभनी र एन्जल डि मारियाले गोल गरे । आइतबार राति भएको खेलमा घरेलु टोली पीएसजीले खेलको तेस्रो मिनेटमा नै काभनीको गोलबाट अग्रता बनाएको थियो । त्यसपछि पनि पीएसजीले स्टार्सवर्गको पोस्टमा बारम्बार पोस्ट आक्रमण बुनेपनि गोल गर्नको लागि ८०औं मिनेट कुर्नुप¥यो ।
८०औं मिनेटमा एन्जल डि मारियाल जुलयिन ड्राक्सलरको पासमा गोल गर्दै पीएसजीलाई २–० को जित दिलाए । जितसँगै पीएसजी फ्रेन्च कपको प्रि–क्वाटरफाइनलमा प्रवेश गर्न सफल भएको छ ।
