एजेन्सी – स्टार फरवार्ड क्रिस्टियानो रोनाल्डोले खेलको दुई मिनेट समय बाँकी रहँदा गरेको पेनाल्टी गोलको मदतले इटालियन सिरी ए अन्तर्गत अाइतबार युभेन्टसले लाजियोलाई २-१ ले पराजित गरेको छ ।
खेलमा एक गोलले पछाडि परेको युभेन्टसले अन्तिम १६ मिनेटमा दुई गोल गर्दै लिगमा अपराजित यात्रा कायमै राख्यो । निकै प्रतिस्पर्धात्मक खेलको पहिलो हाफमा दुवै टोलीले गोल गर्न सकेनन् । युभेलाई जित दर्ता गरे लिगको शीर्षस्थानमा अग्रता बढाउन अवसर पनि थियो ।
तर दोस्रो हाफमा लाजियोले अग्रता लियो । ५९ अौं मिनेटमा इम्रे च्यानले अात्मघाती गोल गर्दै घरेलु टोलीलाई अगाडी बढाए । ७४ अौं मिनेटमा जोअाअो क्यान्सलोले बराबरी गोल गर्दै युभेलाई खेलमा फर्काए ।
खेलको दुई मिनेट समय बाँकी रहँदा युभेन्टसले पेनाल्टी मौका पायो । रोनाल्डोले पेनाल्टीमा कुनै गल्ती नगरी सिजनको १७ अौं लिग गोल गर्दै युभेको जित पक्का गरे ।
यस जितसँगै शीर्षस्थानमा युभेले ११ अंकको अग्रता कायम गर्न सफल भएको छ । युभेन्टसले २१ खेलमा ५९ अंक जोड्दा दोस्रो स्थानमा रहेको नेपोलीको ४८ अंक छ ।
