पोखरा (हाम्रो खेलकुद)– नेपाली राष्ट्रिय फुटबल टोलीका गोलकिपर किरण चेम्जोङलाई सहारा क्लब पोखराले वर्षको उत्कृष्ट खेलाडी २०७४ बाट सम्मान गरेको छ । आहा रारा गोल्डकप फुटबल प्रतियोगिताको १७ औं संस्करणको उद्घाटनका दौरान किरणलाई सम्मान गरएको हो ।

उनलाई सहाराका पदाधिकारीले नगदसहित सम्मान गरेका हुन् । उनले ३५ हजार रुपैयाँ प्राप्त गरे ।
सहाराले गत वर्षदेखि राष्ट्रिय टोलीमा रहेका एक खेलाडीलाई सम्मान गर्ने परम्पराको थालनी गरेको थियो । गत वर्ष राष्ट्रिय टोलीका फरवार्ड भरत खवासलाई सम्मान गरिएको थियो । त्यसअघि क्लबले पुराना खेलाडीलाई सम्मान गथ्र्यो ।

राष्ट्रिय टोलीका पहिलो रोजाईका गोलकिपर किरणले यो सिजन माल्दिभ्सको टिसी स्पोर्टसबाट व्यवासायिक फुटबल खेलेका थिए । उनको उच्च प्रदर्शनबाट प्रेरित टोली माल्दिभ्सको लिग च्याम्पियन बनेको थियो । किरण लिगको उत्कृष्ट गोलकिपर समेत चुनिएका थिए ।

सहारा क्लबको आयोजनामा सुरु हुने आहा गोल्ड कपमा १० टोलीको सहभागिता रहेको छ । पोखरा रंगशालामा सुरु भएको उद्घाटन खेल आयोजक टोली र एपिएफ क्लब प्रतिस्पर्धा गर्दैछन् ।
प्रतियोगिताको विजेता टोलीले ८ लाख १ हजार र दोस्रो हुने टोलीले ४ लाख १ हजार रुपैयाँ पाउनेछन् ।