काठमाडौं (हाम्रो खेलकुद) – भुटानको फुन्त्सोलिङमा जारी जिग्मे दोर्जी वाङचुक मेमोरियल गोल्डकपको फाइनलमा रुस्लान थ्री स्टार क्लब र पारो फुटबल क्लब भिड्दैछन् । खेल नेपाली समयानुसार दिनको ३:१५ बजे सुरु हुनेछ ।
थ्री स्टारले भारतको युनाइटेड ब्रदर्शलाई सेमिफाइनलमा ३-२ ले पराजित गर्दै फाइनलमा स्थान बनाएको थियो । दिनेश राजवंशी, रन्जन विष्ट र बुद्ध चेम्जोङको गोलमा थ्री स्टार अगाडी बढेको थियो । त्यसअघि भुटानकै उग्वेन एकेडेमीलाई सडन डेथमा हराउँदै थ्री स्टारले प्रतियोगितामा विजयी सुरुवात गरेको थियो ।
यता पारो एफसी सेमिफाइनल पुग्ने भुटानको एकमात्र क्लब बनेको थियो । नेपालको त्रिभुवन आर्मी क्लबलाई १-० ले पराजित गर्दै पारोले फाइनलमा स्थान पक्का गरेको थियो । नेपाली यू-१९ राष्ट्रिय फुटबल टोलीका गोलरक्षक एवं कप्तान अर्पण कार्की पारोबाट खेलिरहेका छन् । उनले जयगावँ एफसीविरुद्ध क्वाटरफाइनल खेलमा म्यान अफ द म्याच पनि पाएका थिए ।
