एजेन्सी – इंग्लिस प्रिमियर लिग फुटबलमा टोटेनहम साउथह्याम्टनसँग स्तब्ध बनेको छ । प्रिमियर लिग अन्तरगत शनिबार राति भएको खेलमा टोटेनहम साउथह्याम्टनसँग २–१ ले स्तब्ध बनेको हो ।

साउथह्याम्टनको घरेलु मैदानमा टोटेनहमले खेलमा लिएको सुरुवाती अग्रता जोगाउन नसक्दा स्तब्ध बन्न पुग्यो । ह्यारी केनको गोलबाट टोटेनहम खेलको २६औं मिनेटमा अघि बढेको थियो । केनले डेल अलीको पासलाई गोलमा परिणत गरेको थियो ।

७६औं मिनेटमा घरेलु टोलीका यान भालेरीले बराबरी गोल फर्काए । ८१औं मिनेटमा जेम्स वार्ड प्रोसले गोल गर्दै साउगह्याम्टनलाई २–१ ले अघि बढायो । खेलमा पछि परेपछि टोटेनहमले खेलमा फर्कने प्रयास गरेपनि सफल नुहदा स्तब्ध बन्न पुग्यो ।

हारसँगै टोटेनहमले शीर्षस्थानको म्यानचेस्टर सिटी र लिभरपुलसँगको अंक दुरी घटाउने मौका गुमाएको छ । पराजित टोटेनहम ३० खेलबाट ६१ अंक जोडेर तेस्रो स्थानमा यथावत छ । साउथह्याम्टन ३० खेलबाटै ३० अंक जोडेर रेलिगेसन जोनभन्दा दुईस्थान माथि १६औं स्थानमा रहेको छ ।
प्रिमियर लिगको अन्य खेलको नतिजा
क्रिस्टल प्यालेस विरुद्ध ब्राइटन (१–२)
हडर्स फिल्ड विरुद्ध बर्नमाउथ (०–२)
न्यु क्यासल विरुद्ध एभर्टन (३–२)
लेस्टर विरुद्ध फुलहम (३–१)
कार्डिफ विरुद्ध वेस्टह्याम (२–०)