काठमाडौं (हाम्रो खेलकुद) – नेपाली सिनियर पुरुष राष्ट्रिय फुृटबल टोलीले आज राति दोस्रो अन्तर्राष्ट्रिय मैत्रीपुर्ण खेलमा कुवेतसँग प्रतिस्पर्धा गर्दैछ ।
दुई खेलको लागि कुवेत रहेको नेपाली टोलीले पहिलो खेलमा घरेलु टोलीलाई गोलरहित बराबरीमा रोकेको थियो । दोस्रो मैत्रीपुर्ण खेल कुवेतस्थित रंगशालामा आज राति ९ बजेपछि प्रतिस्पर्धा हुदैछ ।
नेपाली टोलीका स्वीडिस प्रशिक्षक योहान कालिनले पहिलो पहिलो खेलको प्रदर्शनलाई नै निरन्तरता दिनका लागि मैदानमा उत्रने बताएका छन् ।
‘कुवेत हामीविरुद्ध आक्रामक अबस्थामा रहने छ । त्यसैले हाम्रो लक्ष्य उसलाई रोक्नु नै हो । अघिल्लो खेलमा जस्तै संयमित भएर प्रदर्शन गर्ने छौं, प्रशिक्षक कालिनले भने, ‘हाम्रो लक्ष्य कम्तीमा बराबरी खेल्ने हो । टिममा धेरै बदलाव हुने छैन् । खेलाडीले मिहेनत गरेका छन् । पहिलो खेलले आत्माविश्वास बढेको छ । जसले गर्दा दोस्रो खेलमा पनि सकरात्मक नतिजा आउनेमा म विश्वस्त छु ।’
यता, नेपाली टिमका कप्तान विराज महर्जनले कुवेत हामी भन्दा बलियो टिम रहेपनि उसलाई हामी पनि कम होइनौं भन्ने कुरा देखाएका बताउदै रोक्नकै लागि खेल्ने बताएका छन् ।
‘दोस्रो खेलमा पनि हामी कुवेतलाई रोक्न शतप्रतिशत प्रयास गर्ने छौं । सबै खेलाडीहरुले आफ्नो तर्पmबाट सक्दो प्रयास गर्नेछौं,’ कप्तान महर्जनले भने, ‘पहिलो खेलमा कुवेतलाई बराबरीमा रोकेकाले सोहि लयलाई निरन्तरता दिनकै लागि हामी मैदानमा उत्रने छौं ।’
