7 years ago
March 25, 2019
काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीले सोमबार कुवेतविरुद्ध दोस्रो मैत्रीपूर्ण खेल खेल्दैछ । खेलका लागि प्रशिक्षक योहान कालीनले टोलीमा दुई परिवर्तन गरेका छन् ।
पहिलो खेलमा अग्रपंक्ति सम्हालेका फरवार्डद्वय भरत खवास र नवयुग श्रेष्ठको स्थानमा विमल राना र आशिष लामा पहिलो रोजाईमा परेका छन् । आशिषको यो राष्ट्रिय टोलीबाट डेब्यु पनि हो । विमल भने पछिल्लो खेलमा वैकल्पिक खेलाडीका रुपमा मैदान प्रवेश गर्दै डेब्यु गरेपछि पहिलो रोजाइमा उत्रँदै छन् ।
नेपाल एपीएफ क्लबबाट व्यावसायिक फुटबल खेल्दै आएका आशिष पहिलो पटक राष्ट्रिय टोलीमा परेका हुन् । कुवेतविरुद्ध पहिलो खेलमा नेपालले गोलरहित बराबरी खेल्दा आशिषले मैदान प्रवेश गर्ने मौका पाएका थिएनन् । उक्त खेलमा नेपालका लागि ५ खेलाडीले डेब्यु गरेका थिए । आजको खेलमा आशिषले डेब्यु गर्ने भएसँगै अब टोलीमा रहेका ६ खेलाडीले यस टुरमा डेब्यु गर्ने भएका छन् ।
नेपाल र कुवेतको खेल नेपाली समयानुसार रातको ९:१५ बजे सुरु हुनेछ । पहिलो खेलमा नेपालले कुवेतलाई गोलरहित बराबरीमा रोकेको थियो । गोलरक्षक किरण चेम्जोङले उक्त खेलमा उत्कृष्ट प्रदर्शन गरेका थिए । आजको खेलमा उनले नै गोलपोस्ट सम्हाल्नेछन् । डिफेन्समा रञ्जित धिमाल, अजित भण्डारी, देवेन्द्र तामाङ र कप्तना विराज महर्जन रहनेछन् ।
मिडफिल्डमा रोहित चन्द र विक्रम लामासँगै सुजल श्रेष्ठ र सुमन लामा हुनेछन् । विमल राना र आशिष लामाको जोडीले नेपालको फरवार्ड लाइन सम्हाल्नेछन् ।
December 16, 2025
एजेन्सी – म्यानचेस्टर युनाइटेड र एएफसी बर्नमाउथबीच ओल्ड ट्राफोर्डमा भएको खेल ४–४ को रोमाञ्चक बराबरीमा सकिएको छ। खेलमा दुबै टोलीका गरेर ८ फरक खेलाडीले गोल गरे। पहिलो हाफमा युनाइटेडले दुई पटक अग्रता लियो। अमाडले १३ औं मिनेटमा गोल गर्दै युनाइटेडलाई अघि बढाए। बर्नमाउथका एन्टोइन सेमेन्योले ४० औं मिनेटमा बराबरी गोल फर्काए। कासेमिरोले पहिलो हाफको इन्जुरी […]
December 15, 2025
हिमाल खरेल , बिर्तामोड झापा गोल्डकपको सातौँ संस्करण माघ अन्तिम साता हुने भएको छ । अखिल नेपाल फुटबल संघले प्रकाशित गरेको पछिल्लो तालिकाअनुसार झापा गोल्डकप माघ २४ गतेदेखि हुने भएको छ । हालै दिवंगत भएका गोल्डकपका निवर्तमान अध्यक्ष विनोद बस्नेतको स्मृतिमा आयोजना गर्न लागिएको प्रतियोगिता बिर्तामोडस्थित डोमालाल राजवंशी रंगशालामा हुनेछ । प्रतियोगिताको फाइनल खेल फागुन […]
December 15, 2025
एजेन्सी – रियल म्याड्रिडले ला लिगामा अलाभेसमाथि २-१ जित निकाल्दै शीर्ष स्थानको बार्सिलोनासँगको दूरी घटाएको छ। सेल्टा भिगो र म्यानचेस्टर सिटीसँग लगातार पराजय भोगेपछि मुख्य प्रशिक्षक जाबी अलोन्सो दबाबमा थिए । अलाभेसविरुद्ध पनि हार बेहोरेको अवस्थामा ४४ वर्षीय अलोन्सोका पद जोखिममा पर्ने सम्भावना थियो। तर कठिन अवे जितसँगै रियलले लिगको शीर्ष स्थानमा रहेको बार्सिलोनासँगको दूरी […]
