default_image

5 years ago

April 23, 2019

चेल्सी बर्नलीसँग रोकियो

एजेन्सी – लन्डन क्लब चेल्सी इंग्लिस प्रिमियर लिग फुटबलमा बर्नलीसँग बराबरीमा रोकिएको छ । प्रिमियर लिग अन्तरगत सोमबार राति भएको खेलमा घरेलु टोली चेल्सी बर्नलीसँग २–२ गोलको बराबरीमा रोकिएको हो । बराबरीसँगै चेल्सीले तेस्रो स्थानमा उक्लने मौका गुमाएको छ । चेल्सीको ३५ खेलबाट ६७ अंक पुगेको छ । एक खेल कम खेलेको टोटेनहमको पनि समान […]

27 views

0 Bookmark

एजेन्सी – लन्डन क्लब चेल्सी इंग्लिस प्रिमियर लिग फुटबलमा बर्नलीसँग बराबरीमा रोकिएको छ । प्रिमियर लिग अन्तरगत सोमबार राति भएको खेलमा घरेलु टोली चेल्सी बर्नलीसँग २–२ गोलको बराबरीमा रोकिएको हो ।

बराबरीसँगै चेल्सीले तेस्रो स्थानमा उक्लने मौका गुमाएको छ । चेल्सीको ३५ खेलबाट ६७ अंक पुगेको छ । एक खेल कम खेलेको टोटेनहमको पनि समान ६७ अंक रहेको छ ।

प्रिमियर लिग उत्तरार्धमा रहँदा शीर्ष चारका लागि टोटेनहम, चेल्सी, आर्सनल र म्यानचेस्टर युनाइटेडबीच चरम प्रतिस्पर्धा हुने भएको छ । चेल्सीबाहेक अन्य तीन टोलीले चार खेल खेल्न बाँकी छ । लिभरपुल र म्यानचेस्टर सिटी शीर्ष दुई मा रहेको छ ।

खेलको आठौं मिनेटमा जेफ हेन्डरिकले गोल गर्दै पाहुना टोलीलाई सुरुवाती अग्रता दिलाएका थिए । १२औं मिनेटमा इडेन हजार्डको पासमा एङ्गोलो कान्टेले गोल गर्दै खेललाई १–१ को बराबरीमा ल्याए ।

त्यसको दुई मिनेट पछि नै गोन्जलो हिगुआइनले गोल गर्दै घरेलु टोलीलाई २–१ को अग्रता दिलाए । तर, २४औं मिनेटमा एस्ले बार्नेसले गोल गरेपछि पहिलो हाफमा २–२ गोलको बराबरीमा सकिएको थियो ।

घरेलु मैदान स्टामफोर्ड ब्रिजमा चेल्सीले ६७ प्रतिशत बल पोजेसन राखेपनि जित निकाल्न सकेन । चेल्सीले दोस्रो हाफमा बर्नलीको बलियो रक्षापङ्ति तोड्न सकेन । चेल्सीलाई बराबरीमा रोकेको बर्नलीको ४० अंक जोडेर १५औं स्थानमा छ ।

शीर्ष चारका लागि प्रतिस्पर्धा
टोटेनहम – (६७ अंक –तेस्रो स्थान)
खेल्न बाँकी– ब्राइटन, वेस्टह्याम, बर्नमाउथ र एभर्टन
चेल्सी – (६७ अंक – चौथो स्थान)
खेल्न बाँकी – म्यानचेस्टर युनाइटेड, वाटफोर्ड र लेस्टर सिटी
आर्सनल – (६६ अंक–पाँचौ स्थान)
खेल्न बाँकी – वल्भ्स, लेस्टर सिटी, ब्राइटन र बर्नली
म्यानचेस्टर युनाइटेड – (६४ अंक–छैटौ स्थान)
खेल्न बाँकी – म्यानचेस्टर सिटी, चेल्सी, हडर्सफिल्ड र कार्र्डिफ

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.