नेपाली राष्ट्रिय टोलीका स्टार स्ट्राइकर बिमल घर्ति मगरले आगामी सिजन युरोपमा व्यवासायिक फुटबल खेल्ने भएका छन्|
विगतमा पनि युरोपमा रहेर प्रशिक्षण गर्दै आएका विमलले अठार वर्ष नपुगेका कारण अनुबन्धन हुन सकेका थिएनन्| तर गत जनवरी २६मा १८ वर्ष पुगेको र युरोपमा सिजनको अन्त्य नजिकिदै गर्दा उनको युरोपमा खेल्ने ढोका खुल्न लागेको हो| उनीबाहेक अनन्त तामाङ् र अन्जन बिष्टको पनि युरोपमा खेल्न सक्ने सम्भावना रहेको छ| गत मार्च र अप्रिल महिना युरोपमा प्रशिक्षण लिएका अनन्त र अन्जनको भने भाग्यको फैसला केहि महिनामा हुनेछ|
विमलले विगतको समयमा युरोपमा रही राम्रो प्रदर्शन गर्दै आएको र नेपाली राष्ट्रिय टोलीबाट पनि राम्रो प्रदर्शन गरेका कारण उनलाई विभिन्न क्लबहरुले अनुबन्धनको लागि बोलाएका छन्| बिमल केहि दिनमै युरोपतिर जाने जानकारी हाम्रोखेलकुदले प्राप्त गरेको छ|
बिमललाई स्पेन, फ्रान्स र बेल्जियमका क्लबबाट अफर आएपनि उनले बेल्जियम नै बस्ने सम्भावना प्रवल रहेको छ| विगतको समयमा बेल्जियममा धेरै समय विताएका बिमल त्यहाँको वातावारणमा भिजिसकेको र त्यसै ठाउको अफर केहि राम्रो रहेको पनि बुझिएको छ| १८ वर्षीय बिमलले आगामी मे महिनामा हुने मलेसिया विरुद्धको मैत्रीपूर्ण खेलमा सहभागी नहुने सम्भावना पनि बढेको छ|
विमलले बेल्जियमको गेंक, अन्द्रेले, क्लब ब्रुज, नेदरल्याण्डको ट्वेन्टे, लगाएतका क्लबमा केहि समय बिताइसकेका छन्|
